Jérémie 48:15 - Mbeti ti Nzapa - Tënë so amu fini

¹⁵ Ka so kodro ti Moab abuba kue awe so, azo alondo ti tiri bira na agbata ni si ala mu angangu maseka ti lo ti gue na ala na ndo ti fango azo so!” Gbia so iri ti lo ayeke KOTA GBIA so ayeke na ndö ti dunia kue, tënë so lo tene ayeke so:

Jérémie 48:15 ပူးပေါင်းရင်းမြစ်များ

Abia (Psaumes) 47:2

Ala azo kue, ala pika maboko, ala dekongo na Nzapa, na ngia.

Jérémie 46:18

Fini ti mbi! So tënë ti yanga ti Gbia, lo so iri ti lo ayeke ‘KOTA GBIA so ayeke na ndö ti dunia kue’: fade wato ayeke ga; lo yeke ga biani tongana ti so Tabor aluti nganganga na popo ti ahoto, tongana ti so Karmel ayeke na ndö ti kota ngu-ingo!

Jérémie 48:4

Kodro ti Moab ati awe! A ma amolenge ti lo so adekongo ngangu.

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Jérémie 51:40

Mbi yeke gue na ala na ndo ti fango ala tongana ti so zo ague na akete taba, akoli-taba na akoli-ngasa na ndo ti fango ala.”

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Amos 4:10

Mbi tokua na tere ti ala sioni kobela ti bubango kodro tongana ti so mbi tokua ando na tere ti azo ti Ezipte so. Mbi zia lege na awato ti fâ amaseka ti ala ti koli, awato ni agbu ambarata ti ala ahon na ni. Na ya ti bâbâ ti ala, mbi sara si fion ti akuâ afun sioni sioni na hon ti ala. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”