Jérémie 48:14 - Mbeti ti Nzapa - Tënë so amu fini

¹⁴ “Ala, azo ti Moab, a sara tongana nyen si ala tene: ‘E yeke angangu zo ti bira, e yeke akoli so ahinga ti tiri bira mingi’?

Jérémie 48:14 ပူးပေါင်းရင်းမြစ်များ

Abia (Psaumes) 11:1

Bia ti David; bia so ayeke ndali ti makonzi-bia. *KOTA GBIA ayeke ndo so mbi kpe daa ti bata tere ti mbi. Ngbanga ti nyen si ala tene na mbi, atene: “Kpe mo gue na ndö ti ahoto tongana ndeke!”?

Abia (Psaumes) 33:16

Na ya ti bira, gba ti aturugu laa ayeke soo gbia pepe; ngangu ti kpengba zo ti bira laa ayeke zi lo pepe.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Ésaïe 10:13

Biani, gbia ni atene: “Mbi sara aye so kue na ngangu ti mbi nga na ndara ti mbi wani, ngbanga ti so mbi hinga ndo. Mbi buba akatikati ti akodro ti amara, mbi nzi amosoro ti ala. Tongana ngangu koli, mbi kinda agbia na ndö ti mbata ti ala.

Ésaïe 10:16

Ndani laa, Kota Gbia NZAPA so ayeke na ndö ti dunia kue ayeke tokua kobela na tere ti azo ti lo so akono titene ala nge. Na gbe ti gonda ti ala, fade mbeni ye ayeke gbi tongana wâ so ayeke gbi ye.

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Jérémie 49:16

Ando, mo yeke zia mbeto na be ti azo kue, mo baa tere ti mo kota mo hon azo kue, andaa mo handa tere ti mo wani. Mo so mo yeke lango na ya ti adu ti têne so, mo so ndo ti duti ti mo ayeke na li ti ahoto so, ataa mo sara da ti mo yongoro na nduzu ahon ti *ngoalo, mbi yeke gboto mo kâ ti bi mo na sese.” So tënë ti yanga ti KOTA GBIA laa.

Jérémie 8:8

Ala yeke tene: “E yeke azo ti ndara, *Ndia ti *KOTA GBIA ayeke ti e.” Taa-tënë, me ye ni asara tongana nyen si gi awafango-ndia ni wani akiri ayeke buba ya ti Ndia ni so?

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Ezekiel 30:6

Tënë so mbi KOTA GBIA, mbi tene ayeke so: Ti londo na Migdol ngbii asi na gbata ti Asuan, azo so amu mbage ti Ezipte, fade ala yeke kui na ya ti bira; ngangu so Ezipte ayeke fa baba ni ayeke ti na gbeni. So tënë ti yanga ti Kota Gbia NZAPA laa.

Sofonii 2:10

Ye so ayeke si na ala ndali ti baba ti ala laa. Biani, ala zonga azo ti KOTA GBIA so ngangu ti lo ahon angangu kue, ala mu sese ti azo ti lo ti kono na sese ti ala.