Jérémie 46:9 - Mbeti ti Nzapa - Tënë so amu fini

⁹ Ala ambarata, ala londo asara bira! Ala apusu ti mbarata, ala mu loro ngangu! Ala angangu zo ti bira, ala mu li ni! Ala azo ti Etiopii na ti Put, ala so ahinga ti gbu avala, ala azo ti Lud so ahinga ti tiri na kokora, ala nga, ala mu li ni!”

Jérémie 46:9 ပူးပေါင်းရင်းမြစ်များ

Tongo nda ti aye 10:13

Misraim ayeke kotara ti azo ti akodro ti Lud, ti Anem, ti Lehab, ti Naftu,

Tongo nda ti aye 10:6

Amolenge ti Kam ayeke so: Kush, Misraim, Put na Kanaan.

1 Mbai 1:11

Misraim ayeke kotara ti azo ti Lud, ti Anem, ti Lehab, ti Naftu,

Ésaïe 66:19

Fade mbi yeke zia na popo ti ala mbeni ye so afa ngangu ti mbi. Na peko ti ngbanga so mbi fâ, azo so ayeke ngba na fini, mbi yeke tokua ala na mbage ti amara so ayeke na Tarsis, na Pul nga na Lud – azo ni so ahinga ti pika kokora mingi – Mbi yeke tokua ala na ndo ti azo ti Tubal na ti Yavan, nga na ndo ti azo ti azoa so ayeke yongoro kâ, ndo so azo ade ti ma tënë ti mbi daa laoko pepe, ndo so azo ade ti baa gonda ti mbi daa laoko pepe. Fade awatokua ni ayeke fa gonda ti mbi na amara ni.

Jérémie 30:5

“Tënë so KOTA GBIA atene ayeke so: E ma dekongo ti ye ti mbeto; ye ti kota mbeto laa, me ti siriri pepe.

Jérémie 47:3

Ala ma toto ti gere ti ambarata so ado sese ngangu; ala ma toto ti apusu ti mbarata na toto ti gere ti apusu ni. Tongaso be ti ababâ awoko kue, be ti ala agirisa na amolenge ti ala,

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Ezekiel 27:10

Aturugu ti Perse, ti Lud na ti Put asara kua na popo ti aturugu ti mo; ala kanga *avala na akpoto ti wen na ndo ti mo, ala sara si azo ane mo.

Ezekiel 30:4

Bira ayeke ga na ndö ti Ezipte; azo ayeke do na mbeto ngbii asi na Etiopii. A yeke fâ azo ti Ezipte gbani, a yeke nzi amosoro ti ala, a yeke buba kodro ti ala biani biani.

Ezekiel 30:5

Azo ti Etiopii, ti Put na ti Lud, ala ti Arabii na ti Libii, ataa azo ti Israel, ala yeke kui na ya ti bira.

Nahum 3:9

Kodro ti Etiopii na ti Ezipte laa ayeke mu ando ngangu na lo, ngangu so ayeke hunzi pepe. Azo ti Put na ti Libii ayeke azo ti mungo maboko na lo.

Awatokua 2:10

na Frizii, na Panfilii, na Ezipte, na akodro ti Libii, nduru na Sirene; ambeni alondo na Rome si asara kodro ge;

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.