Jérémie 46:8 - Mbeti ti Nzapa - Tënë so amu fini

⁸ Ezipte laa; lo suku tongana Nil. Lani lo tene: “Tongana ti so Nil asuku, tongana ti so ngu ni asuku ahon ndoni tongana ti bale, mbi yeke suku ti mu ndö ti sese kue; mbi yeke sara si agbata abuba, ala na azo ti ya ni kue.

Jérémie 46:8 ပူးပေါင်းရင်းမြစ်များ

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Ezekiel 32:2

“*Molenge ti zo, mo he mbeni bia ti totongo kuâ na ndö ti Faraon, gbia ti Ezipte, mo tene: ‘Mo kpa kete bamara na popo ti amara; mo yeke tongana sioni nyama so akpa ngunde na ya ti kota ngu-ingo. Mo duti kpoo na ya ti angu ti mo pepe, mo buba ni na gere ti mo, mo sara si le ti ngu ni aga sioni.

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Amos 8:8

Ndani laa, fade sese ayeke yingi si azo ti kodro ni kue ayeke duti na vundu. Fade sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.