Jérémie 46:6 - Mbeti ti Nzapa - Tënë so amu fini

⁶ Zo so ahinga ti kpe loro mingi, lo lingbi ti kpe pepe ti hon! Zo so ayeke ngangu zo ti bira, lo lingbi ti soo fini ti lo pepe! Kâ na Banga, na yanga ti bale ti Efrate, ala pika gere ti ala, ala ti.

Jérémie 46:6 ပူးပေါင်းရင်းမြစ်များ

2 Agbia 23:29

Na ngoi so Yosias ayeke gbia, Faraon Neko, gbia ti Ezipte ague ti wara tere na gbia ti Asirii na mbage ti *bale ti Efrate. Gbia Yosias ague ti tiri bira na lo, me gi na ya ti kozo tengbingo tere ni, a fâ Yosias na Megido.

2 Agbia 24:7

Gbia ti Ezipte akiri asigigi na ya ti kodro ti lo pepe, ngbanga ti so gbia ti Babilone amu asese so kue ayeke ando na gbe ti komandema ti gbia ti Ezipte, ti londo na katikati ti kodro ni na Banga ti Ezipte ngbii asi na *bale ti Efrate.

Abia (Psaumes) 27:2

Tongana azo ti sioni aga ti tiri na mbi, ti doroko mbi tongana nyama ti ala, ala so ayeke awato ti mbi, ala so ake mbi, fade ala wani ayeke woko si ala ti na sese.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Ésaïe 8:15

Ndali ti lo, azo mingi aye ti ti, ala yeke ti si ya ti tere ti ala ayeke kungbi. Ala yeke ti na ya ti kuku si kuku ni ayeke gbu ala.”

Jérémie 1:14

Tongaso KOTA GBIA atene na mbi: “Na mbage ti Banga laa ye ti ngangu ayeke kporo ti ga na ndö ti azo ti kodro ni kue.

Jérémie 20:11

Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 4:6

Ala yo na nduzu mbeni bendere; ala yo ni na mbage ti *Sion. Ala kpe ahonde tere ti ala! Ala luti na lege pepe! Mbi yeke sara si ye ti mawa na kota kpale so ayeke buba ndo alondo na mbage ti Banga ti ga.

Jérémie 46:10

Me ti Kota Gbia NZAPA so ayeke na ndö ti dunia kue, lango ni so ayeke lango ti kiringo peko ti sioni na azo; lango so lo yeke kiri peko ti sioni na awato ti lo. Yongoro zeme aga tongana mbeni sioni nyama; lo yeke fâ azo ngbii nzara ni ahunzi, lo yeke nyon mene ti ala ngbii asara lo tongana samba. Na kodro ti Banga, na tere ti bale ti Efrate, so *sandaga na Kota Gbia NZAPA so ayeke na ndö ti dunia kue!

Jérémie 46:12

Amara nde ama tënë ti ye ti kamene so asi na mo, ngbanga ti so demango tere ti mo amu ndo kue. Ngangu zo ti bira ati na ndö ti mbeni ngangu zo ti bira; ala use kue ati legeoko gburrr.

Jérémie 46:16

KOTA GBIA asara si gba ti aturugu apika gere ti ala si ala ti. Ala yeke tene na popo ti ala: ‘E londo, e kiri na ndo ti e, na kodro so a du e daa si e kpe bira so ayeke sara sana na azo so.’

Jérémie 50:32

Zo ti baba ni aye ti ti, si lo ti awe; me zo ti yo lo na nduzu ayeke daa pepe. Mbi yeke bi wâ na ya ti agbata ti lo, wâ ni ayeke gbi aye so kue ayeke na tere ni.”

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Daniel 11:19

Gbia ti Banga ayeke zia le ti lo na mbage ti agbata ti kodro ti lo wani so angangu gbagba ayeke na tere ni. Me lo yeke baa nzoni daa pepe; lo yeke kui si zo ayeke kiri ti baa lo pepe.

Daniel 11:22

Aturugu gbani gbani so amu ndo tongana ngu so asuku alingbi ti kinda lo pepe; lo yeke nika ala kue. Lo yeke fâ nga makonzi ti azo ti *mbuki.