Jérémie 46:22 - Mbeti ti Nzapa - Tënë so amu fini

²² Awato ayeke ga gbani gbani ti tuku na ndö ti Ezipte; ala yeke tongana azo ti dengo keke: ala mu do na maboko ti ala si ala yeke ga. Tongaso, aturugu ti Ezipte kue akpe ahon tongana ngbo so zo ayeke ma toto ti kpengo ti lo pepe.

Jérémie 46:22 ပူးပေါင်းရင်းမြစ်များ

Abia (Psaumes) 74:5

Ala yeke tongana azo so amu do ti de na akeke na ya ti gbako.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 14:8

Ataa akeke ti sipre ayeke na ngia ndali ti tingo ti lo, akeke ti sedre ti Liban atene: “Ngbene ye so mo yeke na du ti kuâ so, zo ti dengo e na sese ayeke daa mbeni pepe!”

Ésaïe 29:4

Fade mo yeke ti taa na gbeni, asara si tënë ti mo ayeke londo na gbe ti sese si asigigi; go ti mo so alondo na ya ti fuku ti sese si asigigi, azo ayeke ma ni nzoni pepe. Azo ayeke ma go ti mo ni tongana go ti mbeni toro so ayeke tene tënë na gbe ti go ti lo na ya ti fuku ti sese.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 46:23

So tënë ti yanga ti KOTA GBIA laa: Ala yeke fâ gbako ti lo na sese; gbako ni akanga lani mingi, zo alingbi ti hon na ya ni pepe. Biani, awato ni awu mingi ahon agbadola, zo alingbi ti diko ala pepe.

Mishe 1:8

Ndani laa, fade mbi, Mishe, mbi yeke toto si mbi yeke dema tere ti mbi. Mbi yeke tambula gere senge, mbi yeke tambula tere ti mbi senge. Mbi yeke toto tongana *anzagua, mbi yeke he bia ti totongo kuâ tongana ti so *anaamo ayeke toto so.

Mishe 7:16

Fade amara nde ayeke baa aye ni na le ti ala, kamene ayeke gbu le ti ala, ataa so ala yeke na ngangu mingi. Ala yeke hinga tënë so ala yeke tene pepe, ala yeke yeda ti ma tënë oko pepe.

Zakarii 11:2

Ala akeke ti sipre, ala toto na vundu, ngbanga ti so akeke ti sedre ati awe, ngbanga ti so a kinda angangu keke ni awe. Ala akeke ti shene ti Bashan, ala toto na vundu, ngbanga ti so a de kota gbako ti ala ni kue awe, gbako so zo alingbi ti li daa pepe so.

Josué 9:21

E yeke zia ala titene ala ngba na fini, me ala yeke ga azo ti surungo akeke, azo ti tongo ngu ndali ti bongbi ti azo ni kue.” Ye so akota zo ni aleke na be ti ala ti sara laa.