Jérémie 46:21 - Mbeti ti Nzapa - Tënë so amu fini

²¹ Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 46:21 ပူးပေါင်းရင်းမြစ်များ

2 Samuel 10:6

Azo ti Amon ahinga atene, ala ga sioni na le ti David awe. Ala futa aturugu 20 000 ti Sirii ti Bet-Rehob nga na ala ti Soba; aturugu ti gbia Maaka 1 000 na ala ti Tob 12 000.

2 Agbia 7:6

Biani, Kota Gbia asara si azo ti Sirii ama na ya ti bâbâ ti ala kâ toto ti ambarata, ti apusu ti mbarata nga na toto ti gba ti aturugu. Tongaso azo ti Sirii atene na popo ti ala, atene: “Gbia ti Israel afuta agbia ti mara ti Het na agbia ti Ezipte titene ala tokua aturugu ti ala ti tiri bira na e!”

Abia (Psaumes) 37:13

Me Kota Gbia ayeke he zo ti sioni na ngia, ngbanga ti so lo hinga lo tene, lango so alingbi na zo ti sioni aga nduru awe.

Amato 15:17

Tengo kugbe ti kasa na ndo so yengo tere ayeke daa ayeke nzoni ahon tengo bagara ti mafuta na ndo so kengo tere ayeke daa.

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ésaïe 34:7

Gi na oko ndembe ni, angbä ayeke ti, akete bagara na akoli-bagara ayeke ti na sese. Sese anyon mene si aga tongana zo so samba ahon ndö ti lo, mafuta amu ndö ti sese kue.

Jérémie 18:17

Fade mbi yeke sara si azo ti mbi akangbi kirikiri na le ti awato ti ala tongana ti so pupu ti To ayeke mu ye ahon na ni kirikiri. Na lango so ye ayeke ga ngangu na ala, fade mbi yeke zia peko ti mbi na ala, mbi yeke baa ndo na mbage ti ala pepe.”

Jérémie 46:22

Awato ayeke ga gbani gbani ti tuku na ndö ti Ezipte; ala yeke tongana azo ti dengo keke: ala mu do na maboko ti ala si ala yeke ga. Tongaso, aturugu ti Ezipte kue akpe ahon tongana ngbo so zo ayeke ma toto ti kpengo ti lo pepe.

Jérémie 46:5

Me nyen laa asi, nyen? Nyen laa mbi yeke baa so, nyen? Be ti azo ni afun kue awe, ala yeke kiri na peko! A kinda angangu zo ti bira ti ala awe; ala yeke kpe kirikiri, ala baa ndo na peko pepe; mbeto ayeke mbage na mbage kue; so tënë ti yanga ti KOTA GBIA laa.

Jérémie 46:9

Ala ambarata, ala londo asara bira! Ala apusu ti mbarata, ala mu loro ngangu! Ala angangu zo ti bira, ala mu li ni! Ala azo ti Etiopii na ti Put, ala so ahinga ti gbu avala, ala azo ti Lud so ahinga ti tiri na kokora, ala nga, ala mu li ni!”

Jérémie 48:44

Zo so ayeke kpe na dawa ti kota mbeto, lo yeke ti na ya ti kota du; zo so ayeke londo na ya ti du ni ti sigigi, lo yeke ti na ya ti gbanda. Biani, mbi yeke sara si ye so aga na ndö ti Moab na ngu so mbi yeke ga na tere ti lo; so tënë ti yanga ti KOTA GBIA laa.

Jérémie 49:8

Ala azo ti Dedan, ala turne peko, ala kpe! Ala honde tere ti ala na ya ti adu ti têne! Mbi yeke sara si ye ti vundu aga na ndö ti ala, *ahale ti Ezau; ndembe titene mbi ga na tere ti ala alingbi awe.

Jérémie 50:11

Nzoni ma! Ala sara ngia, ala dodo na ngia, ala so abuba kodro so ayeke ando ti mbi so! Ala huru tongana kete bagara na ya ti fini pere! Ala toto tongana akoli-mbarata!

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Ezekiel 30:22

Ndani laa, tënë so mbi Kota Gbia NZAPA, mbi tene ayeke so: Mbi yeke ga na tere ti Faraon, gbia ti Ezipte. Mbi yeke kungbi amaboko ti lo use kue, maboko ti lo so angba nzoni na mbeni so akungbi awe so. Mbi yeke sara si yongoro zeme so ayeke na maboko ti lo ati na sese.

Ezekiel 35:5

Mo ke azo ti Israel kpu na kpu. Na ngoi so ala yeke na ya ti mawa, na ngoi so a yeke kai asiokpari ti ala, mo londo na bira na tere ti ala.

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Amos 6:4

Ala yeke lango na ndö ti gbogbo so a sara na pembe ti doli; ala yeke lango na ya ti ayongoro ngende, ala yeke te akete taba nga na akete bagara ti mafuta so a soro ala na ya ti gbagba ti batango ala.

Abdias 1:13

Na lango so aye ti azo ti mbi abuba, mo lingbi fade ti li na ya ti gbata ti ala pepe. Na lango so aye ti azo ti mbi abuba si ye ti vundu asi na ala, taa ti mo ni, tere ti mo alingbi fade ti nzere pepe. Na lango so aye ti azo ti mbi abuba, mo lingbi fade ti ndu mosoro ti ala pepe.

Mishe 7:4

Zo ti nzoni na popo ti ala ayeke tongana aki; zo ti mbirimbiri na popo ti ala ayeke sioni ahon gba ti akeke ti ki. Lango ti fango ngbanga na ndö ti ala alingbi awe, lango so asanziri ti ala, awayanga-Nzapa, atene tënë ni kozoni awe so. Fadeso be ti ala afun kue awe.

Matthieu 22:4

Lo kiri lo tokua ambeni zo ti kua ti tene na azo ni, atene: ‘Mbi leke aye ti matanga ni awe, mbi fâ abagara ti mafuta, mbi leke ye kue awe. Ala ga na matanga ni fadeso!’

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.