Jérémie 46:2 - Mbeti ti Nzapa - Tënë so amu fini

² Tënë ndali ti Ezipte na aturugu ti Faraon Neko, gbia ti Ezipte. Na ngoi ni so, Faraon Neko ayeke na yanga ti *bale ti Efrate, na gbata ti Karkemish. Na ngu osio ni so Yoakim, molenge ti Yosias ayeke gbia ti Juda, Nabukodonosor, gbia ti Babilone aga si akinda lo na ya ti bira.

Jérémie 46:2 ပူးပေါင်းရင်းမြစ်များ

2 Agbia 18:21

Baa, fadeso mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

2 Agbia 23:29

Na ngoi so Yosias ayeke gbia, Faraon Neko, gbia ti Ezipte ague ti wara tere na gbia ti Asirii na mbage ti *bale ti Efrate. Gbia Yosias ague ti tiri bira na lo, me gi na ya ti kozo tengbingo tere ni, a fâ Yosias na Megido.

2 Agbia 23:33

Faraon Neko agbu lo si abi lo na da ti kanga na Ribla, na sese ti Hamat titene lo kiri lo le-gbia na Jérusalem pepe. Faraon Neko agbu azo ti Juda na ngangu ti futa na lo lapo: kilo saki ota ti wen ti nginza, kilo baleota ti lôro.

2 Agbia 24:7

Gbia ti Ezipte akiri asigigi na ya ti kodro ti lo pepe, ngbanga ti so gbia ti Babilone amu asese so kue ayeke ando na gbe ti komandema ti gbia ti Ezipte, ti londo na katikati ti kodro ni na Banga ti Ezipte ngbii asi na *bale ti Efrate.

Ésaïe 10:9

Ye so asi na gbata ti Kalne, ni laa asi na gbata ti Karkemish pepe? Ye so asi na gbata ti Hamat, ni laa asi na gbata ti Arpad na ti Samarii nga na Damas pepe?

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 19:19

Na lango ni so, fade gbalaka ti KOTA GBIA ayeke duti taa na be ti kodro ti Ezipte, mbeni ngbongboro têne so azo aleke si aluti na nduzu ndali ti KOTA GBIA ayeke duti na katikati ti kodro ni.

Jérémie 25:1

Tënë ti *KOTA GBIA asi na Jérémie ndali ti azo ti Juda kue; tënë ni asi na lo na ya ti osio ngu so Yoakim, molenge ti Yosias ayeke gbia ti Juda – so ayeke nga kozo ngu so Nabukodonosor ayeke le-gbia na sese ti Babilone laa –.

Jérémie 25:19

Na pekoni, ayeke mbeni mara nde: – Faraon, gbia ti Ezipte, lo na akota zo ti lo, na akota zo ti kodro ti lo nga na azo ti kodro ti lo kue;

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 36:1

Na ngu osio ni so Yoakim, molenge ti Yosias, ayeke gbia ti Juda, tënë ti *KOTA GBIA asi na Jérémie, atene:

Jérémie 43:11

Tongana lo si ande, lo yeke nika Ezipte nikango. Ti azo so a diko ala ndali ti kuâ, ala yeke kui; ti azo so a diko ala ndali ti tokuango ala na kodro wande, a yeke tokua ala na kodro wande; ti azo so a diko ala ndali ti fango ala, a yeke fâ ala!

Jérémie 45:1

Na ngu osio ni so Yoakim, molenge ti Yosias ayeke gbia ti Juda laa Baruk, molenge ti Neria asu na mbeti atënë so asigigi na yanga ti wayanga-Nzapa Jérémie. Jérémie atene na Baruk:

Jérémie 46:14

“Ala azo, ala fa tënë ni na Ezipte; ala sara si azo ama tënë ni na Migdol, na Manfis nga na Tapanes. Ala tene na ala, atene: ‘Ala londo! Ala leke tere ti ala!’ Biani, azo so ayeke nduru na tere ti ala, bira ahunzi ala awe!