Jérémie 46:17 - Mbeti ti Nzapa - Tënë so amu fini

¹⁷ Ti Faraon, gbia ti Ezipte, a zia iri ti ngia na ndö ti lo, atene: ‘Gba ti sokporo, me lo zia ngoi ahon senge senge!’

Jérémie 46:17 ပူးပေါင်းရင်းမြစ်များ

1 Agbia 20:10

Ben-Hadad akiri atokua azo na Akab ti tene na lo: “Fade mbi yeke nika gbata ti Samarii biani biani! Mbeni kete fuku ti sese ayeke ngba na ya ti gbata ni pepe titene aturugu ti mbi kue afu ni na ya ti maboko ti ala! Tongana mbi nika gbata ni pepe, ayeke nzoni anzapa asara ye ti ngangu mingi na mbi!”

1 Agbia 20:11

Gbia ti Israel akiri tënë, atene: “Ala dabe ti Ben-Hadad na *mato so: ‘Zo so ade ti so benda na ya ti bira pepe, lo lingbi ti pika kate ti lo pepe!’ ”

1 Agbia 20:18

Ben-Hadad atene: “Tongana ala ga na tënë ti siriri, ala gbu ala, aga na ala na fini le ti ala! Tongana ala ga na tënë ti bira, ala gbu nga ala, aga na ala na fini le ti ala!”

Sigingo 15:10

Me mo KOTA GBIA, mo huru pupu si kota ngu-ingo akanga ndö ti ala. Ala li na gbe ti kota ngu tongana nengo wen.

Sigingo 15:9

Awato ti e atene lani, atene: “E tumba peko ti ala, fade e yeke wara ala. E yeke kangbi ya ti aye ti ala so e gbu na peko ti bira, e yeke mu ni alingbi na e. E yeke gboto yongoro zeme ti e, e yeke mu aye ti ala kue na maboko ti ala!”

Zo ti bongbingo azo 3:1

Aye so kue ayeke si na ndö ti sese so, ye oko oko ayeke na ngoi ti lo.

Ésaïe 31:3

Azo ti Ezipte ayeke gi asenge zo, ala yeke anzapa pepe; ambarata ti ala ayeke gi anyama, ala yeke yingo pepe. Tongana *KOTA GBIA ayoro maboko ti lo, zo so aye fade ti mu maboko na mba ti lo ayeke pika gere ti lo ti ti, zo so ahunda fade titene mba ti lo amu maboko na lo, lo yeke ti; ala use kue ayeke kui.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Ezekiel 31:18

“Na popo ti akeke ti Eden, keke wa laa pendere ti lo alingbi na ti mo? Konongo ti lo alingbi na ti mo? Fade a yeke sara si mo na akeke ti Eden ni azu na gbe ti sese. Kâ, mo yeke lango na popo ti azo so afâ *ganza pepe, mo na azo so akui na ya ti bira. Baa, ye so ayeke si ande na Faraon na azo ti lo so ayeke gbani gbani laa! So tënë ti yanga ti Kota Gbia NZAPA laa.”