Jérémie 46:14 - Mbeti ti Nzapa - Tënë so amu fini

¹⁴ “Ala azo, ala fa tënë ni na Ezipte; ala sara si azo ama tënë ni na Migdol, na Manfis nga na Tapanes. Ala tene na ala, atene: ‘Ala londo! Ala leke tere ti ala!’ Biani, azo so ayeke nduru na tere ti ala, bira ahunzi ala awe!

Jérémie 46:14 ပူးပေါင်းရင်းမြစ်များ

2 Samuel 2:26

Abner airi Yoab si atene na lo: “Fade e yeke ngba ti fâ tere ti e na yongoro zeme lakue? Mo hinga, mo tene, vundu ayeke ga na peko ti ye so e yeke sara so pepe? Lawa laa mo yeke tene na azo ti mo titene ala zia lege ti tumbango peko ti a-ita ti ala ti fâ ala so?”

Sigingo 14:2

“Tene na azo ti Israel ti kiri ti sara bâbâ ti ala na dawa ti gbata ti Pi-Hahirot, na popo ti Migdol na kota ngu-ingo ti Asosongo. Na ndo so laa ala yeke sara bâbâ ni, abaa le na Baal-Sefon, nduru na kota ngu-ingo.

Ésaïe 1:20

Me tongana ala ke si ala sara ngangu li, ala yeke kui ande kuâ ti yongoro zeme.” Tënë so asigigi na yanga ti KOTA GBIA laa.

Ésaïe 19:13

Amakonzi ti Soan aga azo ti buba awe, amakonzi ti Manfis ahanda tere ti ala. Amakonzi ti akete mara laa ayeke gue na Ezipte na sioni lege.

Ésaïe 31:8

Fade azo ti Asirii ayeke ti na yanga ti yongoro zeme so ayeke ti zo pepe; yongoro zeme so ayeke fâ ala ayeke ti zo pepe. Azo ti Asirii ayeke kpe na le ti yongoro zeme ni, a yeke gbu amaseka ti ala ti koli ti sara akua ti ngbaa.

Ésaïe 34:6

Mene amu tere ti yongoro zeme ti KOTA GBIA kue, mafuta amu tere ni kue, mo baa mo tene, mene ti akete taba na ti akoli-ngasa, mo baa mo tene, mafuta ti ya ti akoli-taba. Na Bosra, li-kodro ni, a mu *sandaga na KOTA GBIA. Na kodro ti Edom, a fâ azo kue.

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 2:16

Ataa azo ti gbata ti Manfis na ti Tapanes asuru ya ti kangu ti li ti mo.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 44:1

Tënë ti Nzapa asi na Jérémie ndali ti azuife so kue aduti na sese ti Ezipte, na gbata ti Migdol, ti Tapanes, ti Manfis nga na ala so ayeke na sese ti Patros. Tongaso Jérémie atene na ala:

Jérémie 46:10

Me ti Kota Gbia NZAPA so ayeke na ndö ti dunia kue, lango ni so ayeke lango ti kiringo peko ti sioni na azo; lango so lo yeke kiri peko ti sioni na awato ti lo. Yongoro zeme aga tongana mbeni sioni nyama; lo yeke fâ azo ngbii nzara ni ahunzi, lo yeke nyon mene ti ala ngbii asara lo tongana samba. Na kodro ti Banga, na tere ti bale ti Efrate, so *sandaga na Kota Gbia NZAPA so ayeke na ndö ti dunia kue!

Jérémie 46:19

Azo ti kodro ti Ezipte, ngoi titene ala ro akungba ti ala ti gue na kodro wande alingbi awe. Biani, fade gbata ti Manfis ayeke ga ngonda, wâ ayeke gbi ni, zo ayeke kiri ti duti daa pepe.

Jérémie 46:2

Tënë ndali ti Ezipte na aturugu ti Faraon Neko, gbia ti Ezipte. Na ngoi ni so, Faraon Neko ayeke na yanga ti *bale ti Efrate, na gbata ti Karkemish. Na ngu osio ni so Yoakim, molenge ti Yosias ayeke gbia ti Juda, Nabukodonosor, gbia ti Babilone aga si akinda lo na ya ti bira.

Ezekiel 21:28

Azo ti Jérusalem atene na be ti ala atene, tënë ti zeke so ayeke gi ye senge, ngbanga ti so a deba yanga na ala awe ti bata ala. Me gbia ti Babilone adabe ti ala na sioni ti ala; tongaso, a yeke gbu ala titene ala ga azo ti kanga.

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Ndia ti fani use ni 32:42

Fade ale ti kokora ti mbi ayeke nyon mene ngbii ahon ndö ti ala, yongoro zeme ti mbi ayeke te kasa. Turugu oko ti awato ti mbi ayeke kpe pepe; ataa zo ni awara ka, ataa a gbu zo ni ti ga zo ti kanga, ala kue ye ni ayeke wara ala.’ ”