Jérémie 46:12 - Mbeti ti Nzapa - Tënë so amu fini

¹² Amara nde ama tënë ti ye ti kamene so asi na mo, ngbanga ti so demango tere ti mo amu ndo kue. Ngangu zo ti bira ati na ndö ti mbeni ngangu zo ti bira; ala use kue ati legeoko gburrr.

Jérémie 46:12 ပူးပေါင်းရင်းမြစ်များ

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ésaïe 24:11

Na ndö ti alege, azo ayeke toto tere ti ala, ngbanga ti so vin atia, ngia kue ahunzi awe, nzerengo tere ahon na ya ti kodro ni.

Jérémie 14:2

“Kodro ti Juda ayeke na mua, agbata ti lo ayeke ti tingo. Azo ni ayeke sara mua, ala duti na sese. Demango tere ti Jérusalem ague ngbii asi na yayu.

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 46:6

Zo so ahinga ti kpe loro mingi, lo lingbi ti kpe pepe ti hon! Zo so ayeke ngangu zo ti bira, lo lingbi ti soo fini ti lo pepe! Kâ na Banga, na yanga ti bale ti Efrate, ala pika gere ti ala, ala ti.

Jérémie 47:2

Tënë so KOTA GBIA atene ayeke so: “Baa, ngu so asuku alondo na Banga ti ga; aga ngu so ayeke sua ngangu, asuku amu le ti kodro kue nga na aye so ayeke na ya ni; amu agbata na azo so ayeke lango na ya ni. Azo ato nda ti dekongo; azo ti kodro kue ayeke he bia ti totongo kuâ.

Jérémie 48:34

Azo ti Heshebon adekongo; dekongo ni asi na Elale. A ma go ti ala na Yahas; a ma nga go ti ala, ti londo na Soar ngbii asi na Horonaim nga na Eglat-Selisia. Ataa angu ti Nimrim ahole kue si aga kuru sese.

Jérémie 49:21

Gi so azo ama tënë ti tingo ti ala awe, sese ayingi; azo ama dekongo ti ala kâ na kota ngu-ingo ti Asosongo.

Jérémie 50:46

Gi so azo ama tënë ti mungo Babilone awe, sese ayingi, azo ayeke ma dekongo ni na popo ti amara nde.

Jérémie 51:54

Ala ma si: A ma dekongo so alondo na Babilone; wuluwulu ti mbeni ye so abuba ahon ndoni alondo na kodro ti Kalde.

Nahum 2:5

Apusu ti mbarata ni ayeke hon gi na ngangu, ala tuku na ndö ti alege nga na ndö ti abalabala. Ala yeke tongana *tanda so aza wâ, ala yeke hon tongana wâ ti bekpa.

Sofonii 1:10

So tënë ti yanga ti KOTA GBIA laa: na lango ni so, azo ayeke ma dekongo na yanga ti gbagba Ti-asusu; azo ayeke ma kota dekongo na ya ti Fini Vaka, ala yeke ma go ti aye so ati ngangu na ndö ti akete hoto.

1 Samuel 5:12

Azo so akui pepe so, Nzapa azia kobela ti sukungo ye na tere ti ala, ala yeke dekongo na mawa si dekongo ni ague ngbii asi na yayu.