Jérémie 44:30 - Mbeti ti Nzapa - Tënë so amu fini

³⁰ Tënë so KOTA GBIA atene ayeke so: Mbi yeke zia Faraon Hofra, gbia ti Ezipte na maboko ti azo so aye gi kuâ ti lo tongana ti so mbi zia lani Sedesias, gbia ti Juda, na maboko ti wato ti lo Nabukodonosor, gbia ti Babilone, lo so aye lani gi kuâ ti Sedesias so.”

Jérémie 44:30 ပူးပေါင်းရင်းမြစ်များ

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 34:21

Ti Sedesias, gbia ti Juda, fade mbi yeke zia lo legeoko tongaso, lo na akota zo ti kodro ti lo na maboko ti awato ti ala nga na azo so aye gi kuâ ti ala. Mbi yeke zia ala na maboko ti aturugu ti gbia ti Babilone, ataa so aturugu ni agboto tere ti ala fadeso ahon yongoro na tere ti ala.

Jérémie 44:29

Baa, tënë so mbi, KOTA GBIA, mbi tene ayeke so: Mbi yeke ga na tere ti ala na Ezipte; mbi yeke fa na ala ye so ala yeke hinga na ni. Tongaso fade ala yeke hinga atene, sioni ye so mbi tene tënë ni ayeke ga taa-tënë ndali ti ala. Ye so ala yeke hinga na ni ayeke so:

Ezekiel 30:21

“*Molenge ti zo, mbi kungbi maboko ti Faraon, gbia ti Ezipte awe. Zo oko ti zia yoro na le ti ka ni ayeke daa pepe, zo oko ti kanga ni ayeke daa pepe, zo oko ti kanga ka ni na bongo ayeke daa pepe; maboko ni ayeke kiri ti wara ngangu ti gbu yongoro zeme pepe.

Ezekiel 31:18

“Na popo ti akeke ti Eden, keke wa laa pendere ti lo alingbi na ti mo? Konongo ti lo alingbi na ti mo? Fade a yeke sara si mo na akeke ti Eden ni azu na gbe ti sese. Kâ, mo yeke lango na popo ti azo so afâ *ganza pepe, mo na azo so akui na ya ti bira. Baa, ye so ayeke si ande na Faraon na azo ti lo so ayeke gbani gbani laa! So tënë ti yanga ti Kota Gbia NZAPA laa.”