Jérémie 44:24 - Mbeti ti Nzapa - Tënë so amu fini

²⁴ Jérémie akiri atene na azo ni kue, akoli na awali, lo tene: “Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA!

Jérémie 44:24 ပူးပေါင်းရင်းမြစ်များ

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Ésaïe 1:10

Ala amakonzi so akpa ala ti Sodome, ala ma tënë ti *KOTA GBIA si! Ala azo so akpa azo ti Gomore, ala dingi mê ti ala, ala ma tënë ti Nzapa ti e.

Ésaïe 28:14

Ala so ayeke he azo si ala yeke sara komandema na ndö ti azo ti Jérusalem so, ala ma tënë ti *KOTA GBIA si!

Jérémie 42:15

Tongana ye ni ayeke tongaso, ala atanga ti azo ti Juda, ala ma tënë so KOTA GBIA atene. Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Tongana ala ye biani ti gue na Ezipte, tongana ala gue ti honde tere ti ala kâ,

Jérémie 43:7

Ala ke ti ma yanga ti KOTA GBIA; ala gue na Ezipte, na pekoni ala si na Tapanes.

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Ezekiel 2:7

Fade mo yeke tene na ala atënë ti mbi, ataa ala ma mo, ataa ala ma mo pepe; azo ni ayeke azo ti ngangu li.

Amos 7:16

Ti fadeso, mo Amasia, ma tënë ti KOTA GBIA: mo so mo tene: ‘Mo tene peko ti tënë ti yanga ti Nzapa na ndö ti azo ti Israel pepe; mo diko atënë na ndö ti azo ti mara ti Isaac pepe!’

Matthieu 11:15

Zo so ayeke na mê ti mango ndo, ayeke nzoni lo ma tënë so!