Jérémie 44:23 - Mbeti ti Nzapa - Tënë so amu fini

²³ Ndani so kpale ni asi na ala ayeke so: ala zö dukani na anzapa nde, ala sara siokpari ti ke KOTA GBIA, ala ma yanga ti lo pepe, ala ke ti sara ye alingbi na aye so lo fa, andia ti lo nga na awango ti lo; ye ni laa a yeke baa ni laso so.”

Jérémie 44:23 ပူးပေါင်းရင်းမြစ်များ

1 Agbia 9:9

Fade a yeke kiri tënë na lo, atene: ‘Ye ni asi tongaso, ngbanga ti so azo ti Israel azia KOTA GBIA Nzapa ti ala so asara si akotara ti ala asigigi na sese ti Ezipte. KOTA GBIA asara si aye ti ngangu so asi na ala, ngbanga ti so ala mu peko ti ambeni nzapa nde, ala kuku na gbe ti anzapa ni si ala voro ala.’ ”

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Néhémie 13:18

Akotara ti ala asara ando gi tongaso. Ndani laa Nzapa ti e asara si akpale so kue aga na ndö ti e nga na gbata ti e. Ti ala, na sarango titene lango ti wungo tere aga sioni, ala yeke sara titene ngonzo ti Nzapa akiri alondo ngangu na tere ti azo ti Israel”.

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Abia (Psaumes) 119:150

Azo so ayeke tumba peko ti ye ti sioni ayeke ga nduru na mbi; ala yeke yongoro na ndia ti mo.

Abia (Psaumes) 119:155

Ayeke ngangu na azo ti sioni ti soo kuâ, ngbanga ti so ala yeke gi lege ti ambela ti mo pepe.

Abia (Psaumes) 78:10

ngbanga ti so ala bata tënë ti mbuki ti Nzapa pepe, ala ke ti sara ye alingbi na *Ndia ti lo.

Abia (Psaumes) 78:56

Me azo ti Israel atara be ti Nzapa, Nzapa so ayeke na yayu kâ na ndö ti aye kue; ala sara ngangu li na lo, aye so lo hunda na ala ti sarango ni, ala sara ye alingbi na ni pepe.

Jérémie 26:4

Fade mo yeke tene na ala: Tënë so KOTA GBIA atene ayeke so: ‘Ala ma mbi, ala tambula na lege ti andia so mbi mu na ala.

Jérémie 40:3

KOTA GBIA atokua ye ni awe; lo sara si ye ni asi alingbi na tënë so lo tene ando. Biani, ala sara siokpari ti ke KOTA GBIA, ala ma yanga ti lo pepe. Ndani laa ye so kue asi na ala.

Jérémie 44:10

Vundu ade agbu ala ndali ni pepe ngbii asi laso; zo oko akpe mbeto ti mbi pepe, zo oko abata lege ti aye so mbi fa na ala pepe; andia so mbi mu na ala nga na akotara ti ala, ala bata lege ni pepe.’ ”

Jérémie 44:18

Me ngbene ye so e zia lege ti mu sandaga ti dukani si e zia ti tuku samba ti mu na sandaga na gbia-wali ti yayu, ye kue atia e si e yeke kui na lege ti bira nga na kota nzara.”

Jérémie 44:2

“Tënë so *KOTA GBIA so ayeke na ndö ti dunia kue, Nzapa ti Israel atene ayeke so: Ala baa na le ti ala akpale so kue mbi sara si aga na ndö ti Jérusalem na ambeni gbata ti Juda. Laso, agbata ni kue ati awe si azo ayeke daa mbeni pepe.

Jérémie 44:21

“Na ya ti agbata ti Juda nga na ndö ti abalabala ti Jérusalem, ala mu ando asandaga so awe, ala na ababâ ti ala, agbia ti ala, akota zo ti ala na azo ti kodro ni kue; so mvene laa? Ala baa ti ala atene, KOTA GBIA ahinga tënë ni pepe? Be ti lo ati daa pepe?

Jérémie 44:3

Ye ni asi, ngbanga ti so azo ni azia ngonzo na be ti mbi na lege ti sioni so ala sara. Biani, ala gue ti zö dukani na anzapa nde si ala voro anzapa ni, anzapa so ala hinga ala kozoni pepe. Ataa ala, azo ti Juda, ataa akotara ti ala ahinga nga anzapa ni so pepe.

Jérémie 44:8

Ala ye ti zia ngonzo na be ti mbi na lege ti asarango ye ti ala? Biani, ala mu asandaga na anzapa nde na kodro ti Ezipte so ala ga aduti daa so! Ala ye ti hunzi kue titene ala ga tapande ndali ti azo so ayeke deba amba ti ala na ye ti kamene ndali ti amara kue ti dunia?

Abia ti demango tere 1:8

Azo ti Jérusalem asara siokpari ahon ndoni. Nilaa, gbata ni aga tongana mbeni sarate ye; azo so kue ayeke gonda gbata ni ando so, fadeso ala yeke baa ni tongana mbeni buba ye, ngbanga ti so ala baa tere ti lo so ayeke senge. Lo wani, lo dema, lo kiri na peko, lo hon.

Daniel 9:13

Asioni kpale so kue asi na e alingbi na tënë so a su na ya ti mbeti ti *Ndia ti Moïse. Me e de be ti mo, KOTA GBIA Nzapa ti e pepe; e zia lege ti siokpari ti e pepe si e baa taa-tënë ti mo tongana senge ye.

1 Korente 10:20

Oko pepe! Me asandaga so azo ayeke mu, ala yeke mu ni na asioni yingo, me na Nzapa pepe. Andaa mbi ye pepe titene ala sara beoko na asioni yingo.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”