Jérémie 44:17 - Mbeti ti Nzapa - Tënë so amu fini

¹⁷ Me e yeke sara ye alingbi gi na tënë so kue asigigi na yanga ti e: e yeke ngba ti zö dukani na gbia-wali ti yayu si e yeke tuku samba ti mu na sandaga na lo tongana ti so e sara ni ngbii asi laso. Ababâ ti e, agbia ti e na akota zo ti kodro ti e asara nga legeoko tongaso na ya ti agbata ti Juda nga na ndö ti abalabala ti Jérusalem. Lani so e yeke sara tongaso, e yeke na kobe gbani gbani ti tengo ni, e yeke duti nzoni si e hinga ye so iri ni sioni pepe.

Jérémie 44:17 ပူးပေါင်းရင်းမြစ်များ

2 Agbia 17:16

Ala zia lege ti atënë kue ti yanga ti KOTA GBIA, Nzapa ti ala, ala mu wen akporo ni si ala leke na ayanda use ti bagara, ala leke mbeni keke aluti na nduzu ndali ti nzapa-wali Ashera. Ala voro aye so kue ayeke na le ti nduzu si ala sara na nzapa *Baal.

2 Agbia 22:17

Azo ti gbata ni azia mbi awe si ala zö dukani na anzapa nde; anzapa nde so ala leke so azia ngonzo na be ti mbi. Ndani laa ngonzo ti mbi ayeke londo tongana wâ na tere ti gbata so; ngonzo ni ayeke kai ande pepe.

2 Mbai 28:23

Lo mu *asandaga na anzapa ti Damas so lani akinda lo so. Lo tene na be ti lo, lo tene: “So anzapa ti agbia ti Sirii ayeke mu maboko na ala so, ayeke nzoni mbi mu *sandaga na anzapa ni so si fade ala yeke mu na mbi maboko.” Me anzapa so asara si Ahaz na azo ti Israel ati.

Néhémie 9:34

Agbia ti e na amakonzi ti e, awayango-sandaga ti e nga na akotara ti e asara ye alingbi na ndia ti mo pepe; ala dingi mê ti ala ti ma atënë ti ndia ti mo pepe, wala atënë ti yanga ti mo so mo mu wango na ala daa.

Abia (Psaumes) 106:6

Tongana ti so akotara ti e asara, e sara siokpari, e sara ye ti kirikiri, e sara sioni.

Abia (Psaumes) 12:4

Ayeke nzoni KOTA GBIA ahunzi azo ti handango zo so kue; lo fu yanga ti azo ti sioni yanga

Sigingo 16:3

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Ésaïe 48:5

Ndani laa mbi fa na ala tënë ti aye so ngbene ye giriri. Mbi tene tënë ni na ala kozo si aye ni asi, tongaso si ala tene pepe: ‘Yanda ti mbi laa asara ye ni, nzapa ti mbi so a leke lo na keke, wala na bengba wen laa amu yanga si ye ni abaa gigi.’

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

Jérémie 11:12

Azo ti agbata ti Juda na azo ti Jérusalem ayeke gue ti voro tere ti ala na anzapa so ala yeke zö dukani na ala, me anzapa ni ayeke soo ala oko pepe na ndembe so ye ti ngangu ayeke si na ala.

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Jérémie 44:21

“Na ya ti agbata ti Juda nga na ndö ti abalabala ti Jérusalem, ala mu ando asandaga so awe, ala na ababâ ti ala, agbia ti ala, akota zo ti ala na azo ti kodro ni kue; so mvene laa? Ala baa ti ala atene, KOTA GBIA ahinga tënë ni pepe? Be ti lo ati daa pepe?

Jérémie 44:25

Tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala, na awali ti ala, tënë so asigigi na yanga ti ala, ni laa ala sara so: ala zö dukani na gbia-wali ti yayu si ala tuku samba ti mu na sandaga na lo. Ala mu zendo awe, ala ngba daa, ala sara ye ti peko ni ma!

Jérémie 44:9

Sioni so kue ababâ ti ala, agbia ti Juda na awali ti ala asara nga na sioni so ala wani na awali ti ala asara na kodro ti Juda nga na ndö ti abalabala ti Jérusalem so, be ti ala agirisa na ni awe?

Jérémie 7:17

Aye so ala sara na ya ti agbata ti Juda nga na ndö ti alege ti Jérusalem so, mo baa ni pepe?

Jérémie 7:18

Amolenge ayeke ro akeke ti wâ, ababâ ayeke tingo wâ, awali ayeke pete ya ti farini na ngu ti sara na agatoo titene ala mu na gbia-wali ti yayu. Ala yeke tuku samba na sese ti mu na *sandaga na anzapa nde titene ala zia ngonzo na be ti mbi.

Ezekiel 20:32

Ala yeke tene na be ti ala: ‘E ye ti ga tongana ambeni mara, tongana akete mara ti ambeni kodro, e ye ti voro keke na têne’. Me ye so ayeke si pepe.

Ezekiel 20:8

“Me akotara ti ala ni atomboka na tere ti mbi, ala ye ti ma mbi pepe. Afungo yanda so ayeke gboto ala, zo oko abi ni yongoro pepe; zo oko azia ayanda ti Ezipte pepe. Tongaso mbi tene na be ti mbi: Fade mbi yeke tuku ngonzo ti mbi ti wâ na ndö ti ala taa na Ezipte; mbi yeke tuku ngonzo ni na ndö ti ala ngbii be ti mbi ade si.

Ezekiel 23:41

Na pekoni, ala duti na ndö ti apendere gbogbo. Ala leke meza na dawa ti gbogbo ni, ala zia dukani na mafuta ti mbi na ndö ti meza ni.

Ezekiel 8:16

Lo mu mbi, lo gue na mbi na ya ti gbagba ti kota da ti lo. Na yanga ti ndo so ayeke nde si ayeke nzoni kue, ambeni koli so li ti ala nduru na baleuse na oku aluti na popo ti ya ti gbagba ni na gbalaka. Ala zia peko ti ala na ndo so ayeke nde si ayeke nzoni kue so si ala yeke baa ndo na mbage so lâ ayeke londo daa. Ala yeke kuku akpo li ti ala na sese ti voro lâ.

Habakuk 1:16

Ndani laa, ala yeke mu *sandaga na gbanda ti ala, ala yeke zö dukani na ngbengbe ti ala, ngbanga ti so, ndali ti gbanda ni na ngbengbe ni si ala wara gba ti susu na nzoni kobe ti tengo ni.

Wungo ti azo 30:12

tongana koli ti lo ama tënë ni si lo zi yanga daa pepe, lo ke ni pepe, alingbi wali ni asara ye alingbi na dengo ba ti yanga ti lo, lo sara ye alingbi na zendo so lo mu.

Wungo ti azo 30:2

Moïse atene tënë na amakonzi ti amara ti azo ti Israel, atene: Yanga so *KOTA GBIA amu ayeke so:

Marc 6:26

Vundu agbu be ti gbia ni mingi; me ngbanga ti dengo ba so lo de na le ti azo so kue lo tisa ala na matanga ni, lege ti ke tënë ti lo ni ayeke daa pepe.

Ndia ti fani use ni 23:23

Tongana ala mu zendo pepe, so siokpari laa pepe.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;

Awafango-ngbanga 11:36

Molenge ni akiri tënë na lo, atene: “Babâ, so mo mu zendo na KOTA GBIA awe so, sara na mbi alingbi gi na tënë so mo tene, ngbanga ti so KOTA GBIA laa akiri peko ti sioni na awato ti mo, azo ti Amon.”