Jérémie 44:14 - Mbeti ti Nzapa - Tënë so amu fini

¹⁴ Na popo ti tanga ti azo ti Juda so angba si aga ti honde tere ti ala na Ezipte, fade mbeni oko ayeke kpe pepe, mbeni oko ayeke ngba na fini pepe. Kodro ti Juda so ala yeke sara nzara ti kiri ti duti daa, zo oko ayeke kiri kâ pepe. Biani, ala yeke kiri kâ pepe, me gi ambeni zo oko oko so akpe.’ ”

Jérémie 44:14 ပူးပေါင်းရင်းမြစ်များ

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Jérémie 22:10

Ala azo ti Juda, lo so akui awe so, ala toto lo pepe! Ala toto tere ti ala ndali ti lo pepe! Me ala toto mingi ndali ti lo so ayeke hon hongo so. Ala toto lo mingi, ngbanga ti so kodro so a du lo daa, lo yeke kiri ti baa ni pepe.

Jérémie 42:17

Azo so kue ayeda ti honde tere ti ala na Ezipte, fade ala yeke kui na lege ti bira, kota nzara na sioni kobela ti bubango kodro. Kpale so mbi yeke sara si aga na ndö ti ala, zo oko ayeke sigigi na ya ni pepe, zo oko ayeke ngba na fini pepe.’ ”

Jérémie 42:22

Ti fadeso, kite ni ayeke daa pepe: fade ala yeke kui na lege ti bira, kota nzara na sioni kobela ti bubango kodro na ya ti kodro so ala ye ti gue ti honde tere ti ala daa.”

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Ezekiel 20:38

Azo so atomboka na tere ti mbi na azo so ake ti ma yanga ti mbi, fade mbi yeke zi ala na popo ti ala, azo ti Israel. Mbi yeke sara si ala sigigi na ya ti akodro so ala duti daa tongana awande, me ala yeke li na sese ti Israel pepe. Tongaso, fade azo ni ayeke hinga atene, mbi laa mbi yeke KOTA GBIA.

Ezekiel 6:8

Me mbi yeke zia ambeni zo na popo ti ala angba na fini na peko ti bira. A yeke kangbi azo ni so na ya ti akodro wande.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Rome 2:3

Mo so mo yeke fâ ngbanga na li ti azo so ayeke sara aye so si mo nga, mo yeke sara mara ti aye ni so, mo baa ti mo, mo tene, ngbanga ti Nzapa ayeke ti ande na li ti mo pepe?

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.