Jérémie 43:13 - Mbeti ti Nzapa - Tënë so amu fini

¹³ Na Heliopolis, fade lo yeke fâ ya ti angbongboro têne so a leke aluti na nduzu, fade lo yeke gbi ada ti anzapa ti azo ti Ezipte.’ ”

Jérémie 43:13 ပူးပေါင်းရင်းမြစ်များ

Tongo nda ti aye 41:45

Faraon amu na Joseph mbeni iri ti azo ti Ezipte, Safnat-Panea. Lo mu na lo Asenat, molenge ti Potifera ti wali titene lo ga wali ti lo. Potifera ayeke wayango-sandaga ti gbata ti One. Tongaso Joseph alondo ague ti baa ya ti kodro ti Ezipte ni.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 19:18

Na lango ni so, fade agbata ayeke duti oku na Ezipte so azo ayeke tene yanga ti hebro daa, so azo adeba yanga ti ala kâ ti ga azo ti KOTA GBIA so ayeke na ndö ti dunia kue. Oko ti agbata ni, iri ni ayeke duti Gbata-ti-lâ.

Ésaïe 46:2

Anzapa ni akuku, ala ti legeoko; ala lingbi ti soo ayanda ti ala pepe, ala wani, ala gue na ngbaa.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 25:19

Na pekoni, ayeke mbeni mara nde: – Faraon, gbia ti Ezipte, lo na akota zo ti lo, na akota zo ti kodro ti lo nga na azo ti kodro ti lo kue;

Jérémie 43:12

Lo yeke bi wâ na ya ti ada ti anzapa ti azo ti Ezipte; lo yeke gbi anzapa ni wala lo yeke gbu ala ti gue na ala na Babilone. Lo yeke ro aye ti Ezipte kue tongana ti so wabatango-taba ayeke ro asiri na ya ti bongo ti lo. Na pekoni, lo yeke mu lege ti hon, ye ti sara lo ayeke daa pepe.

Jérémie 44:1

Tënë ti Nzapa asi na Jérémie ndali ti azuife so kue aduti na sese ti Ezipte, na gbata ti Migdol, ti Tapanes, ti Manfis nga na ala so ayeke na sese ti Patros. Tongaso Jérémie atene na ala:

Jérémie 46:25

KOTA GBIA so ayeke na ndö ti dunia kue, Nzapa ti Israel atene: “Mbi yeke ga na tere ti Amon, nzapa ti Tebes, lo na Ezipte na anzapa ti lo nga na agbia ti lo; mbi yeke ga na tere ti Faraon na azo so kue azia be ti ala na ndö ti lo.

Ezekiel 26:11

Ambarata ti lo ayeke do alege ti mo kue na sokoto ti ala. Lo yeke fâ azo ti mo na yongoro zeme si lo yeke tuku na sese angbongboro têne so mo leke si aluti na nduzu so.

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Ezekiel 30:17

A yeke fâ amaseka-koli ti One na ti Pi-Beset na ya ti bira si a yeke gbu tanga ti azo ti gbata ni ti gue na ala na kodro wande.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.