Jérémie 43:12 - Mbeti ti Nzapa - Tënë so amu fini

¹² Lo yeke bi wâ na ya ti ada ti anzapa ti azo ti Ezipte; lo yeke gbi anzapa ni wala lo yeke gbu ala ti gue na ala na Babilone. Lo yeke ro aye ti Ezipte kue tongana ti so wabatango-taba ayeke ro asiri na ya ti bongo ti lo. Na pekoni, lo yeke mu lege ti hon, ye ti sara lo ayeke daa pepe.

Jérémie 43:12 ပူးပေါင်းရင်းမြစ်များ

2 Samuel 5:21

Azo ti Filistii ni azia ayanda ti ala na ndo ni so. David na azo ti lo amu ague na ni.

Esther 6:9

Na pekoni, a mu mbeni kota zo ti kua ti mo oko, lo so azo ane lo mingi so titene lo yu bongo ni na zo ni. Fade lo mu maboko na zo ni ti ko na ndö ti mbarata ni, lo gbu kamba ti mbarata ni si lo yeke tambula na zo ni na ndö ti kota balabala ti gbata ni si lo yeke to mbela na dawa ti zo ni, lo tene: ‘Ye so gbia ayeke sara ndali ti zo so lo ye ti ne lo laa-oo!’ ”

Mbeti ti Job 40:10

Tongana ye ni ayeke tongaso, kanga nengo ti gbia nga na gonda na tere ti mo tongana ye ti pendere; yu pendere na zango ndo na tere ti mo tongana bongo.

Abia (Psaumes) 104:2

vurungo ndo akanga tere ti mo tongana kota bongo; mo gbara ayayu tongana ti so zo ayeke gbara da ti bongo;

Abia (Psaumes) 132:16

Mbi yeke mu tënë ti songo zo na kuâ ti yu na awayango-sandaga ti lo tongana bongo, tongaso azo ti lo ayeke dekongo na ngia.

Abia (Psaumes) 132:18

Mbi yeke sara si kamene ahon ndö ti awato ti lo si kpoto ti lo ti gbia ayeke za zango na li ti lo.”

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 46:1

Bel akuku awe, Nebo ati awe. A zia ayanda ti ala na ndö ti anyama, na ndö ti abagara. Ando, ala yeke yo ayanda ni ti tambula na ni na ya ti amatanga; fadeso aga nengo kungba na ndö ti anyama so awoko awe.

Ésaïe 46:2

Anzapa ni akuku, ala ti legeoko; ala lingbi ti soo ayanda ti ala pepe, ala wani, ala gue na ngbaa.

Ésaïe 49:18

Yo le ti mo na nduzu, mo baa ndo na tere ti mo: amolenge ti mo kue abongbi, ala yeke ga na mbage ti mo. KOTA GBIA atene: Fini ti mbi! Amolenge ni ayeke ga ande tongana ye ti go so zo ayeke zia na go ti lo; ala yeke ga tongana pendere kamba ti ndö ti bongo so wali so aye ti mu koli ayeke kanga na ya ti lo.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 61:5

Awande ayeke ga ti bata ataba na angasa ti ala; azo so alondo na kodro wande ayeke ga ti fâ yaka ti ala; ala fâ yaka ti *vinye ti ala.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 10:15

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Jérémie 25:19

Na pekoni, ayeke mbeni mara nde: – Faraon, gbia ti Ezipte, lo na akota zo ti lo, na akota zo ti kodro ti lo nga na azo ti kodro ti lo kue;

Jérémie 43:13

Na Heliopolis, fade lo yeke fâ ya ti angbongboro têne so a leke aluti na nduzu, fade lo yeke gbi ada ti anzapa ti azo ti Ezipte.’ ”

Jérémie 46:25

KOTA GBIA so ayeke na ndö ti dunia kue, Nzapa ti Israel atene: “Mbi yeke ga na tere ti Amon, nzapa ti Tebes, lo na Ezipte na anzapa ti lo nga na agbia ti lo; mbi yeke ga na tere ti Faraon na azo so kue azia be ti ala na ndö ti lo.

Jérémie 48:7

Moab, ando mo zia be ti mo na ndö ti asarango ye ti mo nga na ndö ti amosoro ti mo. Mo nga, a gbu mo awe! Fade a yeke gbu nzapa ti mo Kemosh ti gue na lo na lo na kodro wande, lo na awayango-sandaga ti lo na amakonzi ti lo.

Jérémie 49:27

Mbi yeke bi wâ na gbagba ti Damas; wâ ni ayeke gbi yangbo ti gbia Ben-Hadad.”

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Ezekiel 29:11

Gere ti zo oko ayeke kiri ti do ndo ni pepe; gere ti nyama oko ayeke kiri ti do ndo ni pepe. Na ya ti ngu baleosio, ye oko ayeke duti kâ pepe.

Ezekiel 29:19

Ndani laa, tënë so mbi Kota Gbia NZAPA, mbi tene ayeke so: Mbi yeke zia Ezipte na maboko ti Nabukodonosor, gbia ti Babilone. Lo yeke nzi aye ti kodro ni kue, lo yeke ro aye so kodro ni agbu na peko ti bira ti hon na ni, lo yeke mu amosoro kue ti kodro ni si lo yeke kangbi ni na aturugu ti lo tongana futa ti ala.

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Rome 13:12

Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

Efeze 4:24

Tongana ti so zo ayeke yu fini bongo, ala ga afini zo so a sara ala tongana ti so be ti Nzapa aye; lo ye titene taa-tënë asara si ala ga mbirimbiri, ala ga nde si ala ga nzoni kue.

Efeze 6:11

Ala mu aye ti bira ti Nzapa kue, ala yu ni titene ala luti ngangu ti ke aye ti mayere ti Zabolo.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

Kolose 3:14

Ye so ahon tanga ti aye ni kue ayeke yengo tere so ayeke bongbi azo nzoni.