Jérémie 43:10 - Mbeti ti Nzapa - Tënë so amu fini

¹⁰ Na pekoni, fade mo yeke tene na ala: ‘Baa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Mbi yeke tokua titene a iri zo ti kua ti mbi Nabukodonosor, gbia ti Babilone ti ga. Mbi yeke zia mbata ti lo ti gbia na ndö ti atêne so a lu ni ge so. Lo yeke leke gbefa ti lo ti gbia na ndo so.

Jérémie 43:10 ပူးပေါင်းရင်းမြစ်များ

1 Agbia 20:12

Andaa na ndembe ni so, Ben-Hadad na amba ti lo agbia angba ti nyon na ya ti ada ti bongo. So lo ma tënë so, lo mu yanga na aturugu ti lo ti kota kamba, lo tene: “Ala leke tere ti ala ti gue na bira!” Tongaso ala leke tere ti ala ndali ti bira.

1 Agbia 20:16

Na bekombite, aturugu ni alondo na bira. Na ndembe ni so, Ben-Hadad angba ti nyon samba ahon ndoni na ya ti ada ti bongo, lo na agbia baleota na use, ala so aga ti mu maboko na lo.

Abia (Psaumes) 18:11

Lo duti na ndö ti *sheruben si lo huru na le ti nduzu, lo yeke hon na le ti nduzu na ndö ti pupu.

Abia (Psaumes) 27:5

Na ngoi so ye ti ngangu asi na mbi, KOTA GBIA ayeke bata mbi na ya ti da ti lo; lo yeke honde mbi nzoni na ya ti da ti lo; lo yeke zia mbi na nduzu na ndö ti kota têne, na ndo so ye ti sioni alingbi ti si na mbi pepe.

Abia (Psaumes) 31:20

KOTA GBIA, anzoni ye ti mo ayeke mingi! Mo bata aye ni so na azo so akpe mbeto ti mo. Azo so kue akpe na mo ti bata tere ti ala, mo yeke mu aye ni na ala na le ti azo kue.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 45:1

Tënë so *KOTA GBIA atene na Sirus, gbia so lo soro lo ayeke so: “Mbi gbu mo na maboko ti mo ti koli ti kinda amara nde na gbe ti mo, ti zi na maboko ti agbia komandema ti ala, ti zi ayanga ti gbagba ti agbata so akanga kangango na dawa ti mo.

Jérémie 1:15

Mbi yeke iri amara nde nde ti Banga kue ti ga; ala yeke londo na ya ti akodro-gbia; so tënë ti yanga ti KOTA GBIA laa. Fade ala yeke ga, ala zia ambata ti ala ti gbia taa na tere ti ayanga ti gbagba ti Jérusalem; ala yeke zia ambata ni na tere ti gbagba ni angoro ni kue, nga na tere ti agbata ti sese ti Juda kue.

Jérémie 43:9

“Mu akota têne, mo lu ni na ya ti potopoto ti siman so ayeke na yanga ti gbagba ti yangbo ti gbia Faraon, na Tapanes. Mo sara ni na le ti azo ti Juda.

Jérémie 46:13

Tënë ti *KOTA GBIA asi na wayanga-Nzapa Jérémie ndali ti Nabukodonosor, gbia ti Babilone na ndembe so lo ga ti tiri bira na Ezipte:

Jérémie 49:38

Mbi yeke zi na sese ti Elam gbia na akota zo ti lo, mbi yeke zia na ya ti kodro ni mbata ti mbi ti gbia; so tënë ti yanga ti KOTA GBIA laa.

Ezekiel 5:12

Fade a yeke kangbi ya ti ala ota: kozo kangbi ni ayeke kui ande na sioni kobela ti bubango kodro nga na kota nzara taa na ya ti gbata ni; use kangbi ni ayeke kui kuâ ti yongoro zeme na tere ti gbata ni. Fade mbi yeke kangbi tanga ti azo ni kirikiri na ndo kue si mbi yeke gboto yongoro zeme ti mbi ti tumba peko ti ala.

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.