Jérémie 42:6 - Mbeti ti Nzapa - Tënë so amu fini

⁶ E tokua mo na KOTA GBIA, Nzapa ti e ti hunda lo na tënë ti e. Fade e yeke sara ye alingbi na yanga so KOTA GBIA ayeke mu na e, ataa tënë ni anzere na be ti e wala anzere na be ti e pepe. Tongaso, fade e yeke baa nzoni, ngbanga ti so e ma yanga ti KOTA GBIA, Nzapa ti e.”

Jérémie 42:6 ပူးပေါင်းရင်းမြစ်များ

Abia (Psaumes) 128:2

Mo wani, mo yeke te ye ti peko ti kua ti maboko ti mo. Mo yeke duti nzoni si aye ti mo kue ayeke ga nzoni.

Abia (Psaumes) 78:36

Me ala yeke handa lo na lege ti tënë ti yanga ti ala; ala yeke tene mvene na lo na lege ti menga ti ala.

Sigingo 24:7

Lo mu mbeti ti mbuki si lo diko na le ti azo ni. Azo ni atene: “Atënë so kue KOTA GBIA atene, fade e yeke sara ye alingbi na ni, fade e yeke ma yanga ti lo.”

Ésaïe 3:10

Ala lingbi ti tene: ti zo ti mbirimbiri nzoni! Fade lo yeke baa nzoni na peko ti aye so lo sara.

Jérémie 22:15

Na lege ti sarango da na keke ti sedre si mo ye ti fa atene, mo hinga ti le-gbia? Babâ ti mo ate, anyon ando, lo fâ ngbanga mbirimbiri si lo sara ye ti mbirimbiri; so asara si lo baa nzoni mingi.

Jérémie 43:4

Tongaso, Yohanan, molenge ti Karea, lo na amakonzi ti aturugu ni nga na azo so kue ayeke na tere ti ala, ake ti ma yanga so KOTA GBIA amu na ala ti ngba na kodro ti Juda.

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Rome 7:13

Ye so ayeke ye ti nzoni, akiri aga ye ti fango mbi? Oko pepe! Me siokpari laa afâ mbi: siokpari amu ye so ayeke nzoni ti fâ mbi na ni, ti fa so lo yeke siokpari biani, nilaa na lege ti tënë ti ndia, siokpari afa so lo yeke taa ye ti sioni biani.

Rome 7:7

Tongaso, fade e yeke tene nyen? *Ndia ayeke siokpari? Oko pepe! Me Ndia afa na mbi ti hinga ye so ayeke siokpari. Ndia atene: “Mo sara nzara ti ye ti zo pepe.” Tongana ndia atene fade tënë na ndö ti sarango nzara ti ye ti zo pepe, ka mbi hinga ni pepe.

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Ndia ti fani use ni 5:27

Ti mo, Moïse, mo laa mo yeke gue nduru na KOTA GBIA Nzapa ti e ti ma atënë so kue lo yeke tene. Fade mo yeke kiri ti tene peko ni na e si e yeke sara ye alingbi na ni.”

Ndia ti fani use ni 5:29

Tongana ala leke fade be ti ala biani ti kpe mbeto ti mbi tongaso lakue si ala sara ye alingbi na atënë ti yanga ti mbi, ka ayeke nzoni mingi! Ka ala, na *ahale ti ala ayeke duti nzoni kpu na kpu!

Ndia ti fani use ni 5:33

Ala tambula lakue gi na lege so KOTA GBIA Nzapa ti ala afa na ala; tongaso si fade ala yeke duti na fini, gigi ti ala ayeke yo si ala yeke duti nzoni na ya ti kodro so ala yeke mu ni titene aga ti ala.

Josué 24:24

Azo ni akiri tënë na Josué, atene: “Biani, e yeke sara kua na KOTA GBIA, Nzapa ti e; e yeke ma yanga ti lo!”