Jérémie 42:20 - Mbeti ti Nzapa - Tënë so amu fini

²⁰ Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Jérémie 42:20 ပူးပေါင်းရင်းမြစ်များ

Abia (Psaumes) 18:44

Azo ti kodro atomboka na tere ti mbi, me mo yeke zi mbi na maboko ti ala; mo zia mbi na ndö ti amara. Azo ti mara so mbi hinga ala pepe aga azo ti kua na gbe ti mbi.

Abia (Psaumes) 65:3

Mo so mo yeke ma sambela, fade azo kue ayeke ga nduru na mo.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 37:3

Andaa gbia Sedesias atokua Yukal, molenge ti Shelemia, lo na wayango-sandaga Sefania, molenge ti Maaseya, ti tene na wayanga-Nzapa Jérémie, atene: “E gbu gere ti mo, sambela KOTA GBIA Nzapa ti e ndali ti e!”

Jérémie 38:14

Gbia Sedesias atokua mbeni zo ti gue ti ga na wayanga-Nzapa Jérémie; lo na Jérémie awara tere na ota yanga ti kota da ti Nzapa. Gbia atene na Jérémie: “Mbi ye ti hunda na mo mbeni tënë; mo honde ye oko na mbi pepe.”

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Jérémie 42:5

Ala kiri tënë na Jérémie: “E deba yanga ti e ti sara ye alingbi gi na tënë so KOTA GBIA, Nzapa ti mo ayeke fa na mo ti tene na e. Ayeke nzoni lo duti taa lo so ayeke bi tënë na li ti e tongana e sara ye alingbi na tënë ti yanga ti e ni pepe!

Jérémie 43:2

Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Wungo ti azo 17:3

Akete ta ni ayeke ti azo so akui ndali ti siokpari ti ala. Ayeke nzoni ala gue, apika ni titene ala leke na kpangbara le ti wen ti kanga na ndö ti gbalaka. A zia akete ta ni na dawa ti KOTA GBIA si aga mbeni ye so ayeke nde ndali ti lo. Fade ayeke ga mbeni ye ti gbotongo mê ti azo ti Israel.”

Matthieu 22:35

Na popo ti ala, mbeni wafango-ndia oko aye ti sara si Jésus ati na ya ti gbanda ti lo; lo hunda Jésus, lo tene:

Galasii 6:7

Ala handa tere ti ala pepe: zo ayeke he Nzapa pepe. Ye so zo alu, fade lo yeke ko lengo ni.

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.