Jérémie 42:19 - Mbeti ti Nzapa - Tënë so amu fini

¹⁹ “Ala atanga ti azo ti Juda, KOTA GBIA atene na ala: Ala gue na Ezipte pepe! Ala ma tënë so nzoni: laso, mbi tene tënë so na ala polele!

Jérémie 42:19 ပူးပေါင်းရင်းမြစ်များ

2 Mbai 24:19

Na pekoni, KOTA GBIA atokua awayanga ti lo na popo ti azo ni ti mu wango na ala titene ala kiri na mbage ti lo; me zo oko ama tënë ti ala pepe.

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Ésaïe 21:12

Sanziri ni akiri tënë: “Ndo ayeke han si na pekoni, ndo ayeke kiri ti vuko. Tongana ala ye ti kiri ti hunda ndo, ala hunda senge! Ala lingbi ti kiri ti ga mbeni lâ.”

Jérémie 38:21

Me tongana mo ke ti zia tere ti mo na maboko ti ala, baa ye so ayeke si ande na mo, so KOTA GBIA afa na mbi laa:

Ezekiel 17:15

Me lo tomboka na tere ti gbia ti Babilone. Lo tokua azo na Ezipte titene kodro ni amu na lo ambarata na gba ti aturugu. Zo so asara ye so, fade ye ni ayeke ga nzoni na lo laa? Lo yeke sigigi na ya ti kpale ni? Oko pepe, ngbanga ti so lo wani, lo buba lege ti mbuki ni awe.

Ezekiel 2:5

Tongaso, ataa ala ma mo, ataa ala ma mo pepe – ala yeke ti ala azo ti mara ti ngangu li – fade ala yeke hinga atene, mbeni wayanga-Nzapa ayeke na popo ti ala.

Ezekiel 3:21

Me tongana mo gboto mê ti zo ti mbirimbiri titene lo sara siokpari pepe si biani lo sara siokpari pepe, fade lo yeke ngba na fini, ngbanga ti so a gboto mê ti lo. Ti mo, mo yeke soo fini ti mo.”

Wungo ti azo 14:3

Ngbanga ti nyen *KOTA GBIA aga na e ge titene e kui kuâ ti yongoro zeme so? Fade awato ayeke gbu awali ti e na amolenge ti e kue. Ayeke fade nzoni titene e kiri na Ezipte!”

Awatokua 2:40

Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.”

Efeze 4:17

Tongaso, na iri ti *Kota Gbia, mbi yeke tene tënë so biani na ala: ala kiri asara ye tongana ti azo ti amara nde pepe, ngbanga ti so atënë ti be ti azo ti amara nde ayeke buba ye.

Ndia ti fani use ni 17:16

Ye oko, alingbi gbia ni aduti na ambarata gbani gbani pepe. Alingbi lo tokua azo na Ezipte pepe titene ala gue, avo gba ti ambarata, ngbanga ti so KOTA GBIA atene lani na ala, atene: “Fade ala yeke kiri ti gue na kodro so pepe!”

Ndia ti fani use ni 31:21

Tongana akpale na aye ti ngangu asi ande na ala, fade bia so ayeke ga mbeni ye ti bi tënë na li ti ala. Ataa *ahale ti ala ayeke girisa bia so pepe. Biani, gi laso laso, mbi hinga ye so ala leke na be ti ala ti sarango ni kozo si mbi sara titene ala li na ya ti kodro so mbi deba yanga ti mbi ti mu na ala.”

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.