Jérémie 42:17 - Mbeti ti Nzapa - Tënë so amu fini

¹⁷ Azo so kue ayeda ti honde tere ti ala na Ezipte, fade ala yeke kui na lege ti bira, kota nzara na sioni kobela ti bubango kodro. Kpale so mbi yeke sara si aga na ndö ti ala, zo oko ayeke sigigi na ya ni pepe, zo oko ayeke ngba na fini pepe.’ ”

Jérémie 42:17 ပူးပေါင်းရင်းမြစ်များ

Jérémie 24:10

Fade mbi yeke tokua na ndö ti ala bira, kota nzara na sioni kobela ti bubango kodro. Ye ni ayeke ninga ngbii, ala kue ahunzi na ya ti kodro so mbi mu ando na ala nga na akotara ti ala so.”

Jérémie 38:2

“Tënë so *KOTA GBIA atene ayeke so: ‘Zo so ayeke ngba ande na ya ti gbata so, fade lo yeke kui na lege ti bira, kota nzara na sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti azo ti Babilone, fade lo yeke soo fini ti lo; ye so ayeke ngba na lo ayeke gi fini ti lo.’ ”

Jérémie 42:15

Tongana ye ni ayeke tongaso, ala atanga ti azo ti Juda, ala ma tënë so KOTA GBIA atene. Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Tongana ala ye biani ti gue na Ezipte, tongana ala gue ti honde tere ti ala kâ,

Jérémie 42:22

Ti fadeso, kite ni ayeke daa pepe: fade ala yeke kui na lege ti bira, kota nzara na sioni kobela ti bubango kodro na ya ti kodro so ala ye ti gue ti honde tere ti ala daa.”

Jérémie 44:28

Gi ambeni kete laa ayeke wara lege ti kpe bira ni si ala londo na Ezipte ti kiri na Juda. Ndo so laa, azo ti Juda so angba na fini, ala so aga lani ti honde tere ti ala na Ezipte ayeke hinga atene, tënë ti mbi laa aga taa-tënë, wala ti ala.

Ezekiel 11:8

Mbeto ti bira ayeke sara ala? Ala ku, fade mbi yeke tokua bira na tere ti ala. So tënë ti yanga ti Kota Gbia NZAPA laa.