Jérémie 42:15 - Mbeti ti Nzapa - Tënë so amu fini

¹⁵ Tongana ye ni ayeke tongaso, ala atanga ti azo ti Juda, ala ma tënë so KOTA GBIA atene. Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Tongana ala ye biani ti gue na Ezipte, tongana ala gue ti honde tere ti ala kâ,

Jérémie 42:15 ပူးပေါင်းရင်းမြစ်များ

Tongo nda ti aye 31:21

Lo kpe, lo hon na aye ti lo kue; lo fâ *bale ti Efrate si lo gue na mbage ti ahoto ti Galaad.

Jérémie 27:8

“Tongana mbeni mara wala mbeni kodro-gbia ake ti sara kua na Nabukodonosor, gbia ti Babilone, tongana mara ni wala kodro ni ake ti yoro go ti lo na gbe ti zuge ti gbia ti Babilone, mbi yeke ga na tere ti mara ni na lege ti bira, kota nzara na sioni kobela ti bubango kodro. Na lege ti lo, mbi yeke sara si kodro ni abuba biani biani.

Jérémie 42:17

Azo so kue ayeda ti honde tere ti ala na Ezipte, fade ala yeke kui na lege ti bira, kota nzara na sioni kobela ti bubango kodro. Kpale so mbi yeke sara si aga na ndö ti ala, zo oko ayeke sigigi na ya ni pepe, zo oko ayeke ngba na fini pepe.’ ”

Jérémie 44:24

Jérémie akiri atene na azo ni kue, akoli na awali, lo tene: “Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA!

Daniel 11:17

Na pekoni, lo yeke leke na be ti lo ti ga na ngangu so kue lo wara ndali ti azo ti kodro ti lo; lo yeke sara songo na gbia ti Mbongo. Nilaa lo yeke mu na gbia ti Mbongo ni molenge ti lo ti wali ti ga wali ti lo, tongaso si lo wara lege ti buba kodro ni. Me ye so lo leke na be ti lo so ayeke si pepe.

Nzoni Tënë so Luc asu na mbeti 9:51

So ngoi titene a mu Jésus ti gue na lo na yayu aga nduru awe, lo ye gi ti mu lege ti gue na Jérusalem.

Ndia ti fani use ni 17:16

Ye oko, alingbi gbia ni aduti na ambarata gbani gbani pepe. Alingbi lo tokua azo na Ezipte pepe titene ala gue, avo gba ti ambarata, ngbanga ti so KOTA GBIA atene lani na ala, atene: “Fade ala yeke kiri ti gue na kodro so pepe!”