Jérémie 42:14 - Mbeti ti Nzapa - Tënë so amu fini

¹⁴ e yeke gue na Ezipte. Kâ, fade e yeke kiri ti hinga ye so iri ni bira pepe, e yeke kiri ti ma toto ti tatalita pepe si nzara ayeke kiri ti fâ e pepe. E yeke sara kodro gi kâ!’

Jérémie 42:14 ပူးပေါင်းရင်းမြစ်များ

Sigingo 16:3

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Sigingo 17:3

Kâ, nzara ti ngu ahon ndö ti azo ni si ala kasa Moïse, atene: “Mo mu e na kodro ti Ezipte, mo ga na e ge ngbanga ti nyen? Mo ye titene nzara ti ngu afâ e, na amolenge ti e nga na anyama ti e?”

Ésaïe 30:16

Ala tene: “E ke awe! E yeke mu mbarata ti kpe ti hon.” Nzoni! Fade ala yeke kpe ti hon. Ala tene nga: “E yeke ko na ndö ti mbarata so ayeke mu loro mingi.” Nzoni! Me azo so ayeke tumba peko ti ala ayeke mu loro mingi!

Ésaïe 30:2

Ala mu lege ti gue na Ezipte, me ala hunda mbi pepe. Ala yeke gi titene Faraon aga tongana ngangu gbagba ti batango ala, ala yeke gi ndo ti hondengo tere ti ala na gbe ti de ti Ezipte!

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Jérémie 4:21

Mbi yeke ngba ti baa abendere so a gboto na nduzu so ngbii asi lawa? Mbi yeke ngba ti ma toto ti didi ngbii asi lawa?

Jérémie 41:17

Azo ni ague ngbii, ala duti na ndo ti lango ti Kimeham, nduru na Betlehem. Ala ye fade ti gue ti si na Ezipte

Jérémie 43:7

Ala ke ti ma yanga ti KOTA GBIA; ala gue na Ezipte, na pekoni ala si na Tapanes.

Wungo ti azo 14:3

Ngbanga ti nyen *KOTA GBIA aga na e ge titene e kui kuâ ti yongoro zeme so? Fade awato ayeke gbu awali ti e na amolenge ti e kue. Ayeke fade nzoni titene e kiri na Ezipte!”

Wungo ti azo 14:4

Ala tene na popo ti ala, atene: “Ala ga, e soro mbeni makonzi, e kiri na Ezipte!”

Wungo ti azo 16:13

So mo mu e, mo sigigi na e na ya ti *kodro so ngu ti me ti bagara na mafuta ti wotoro asi singo daa titene e kui na ya ti benyama so, so alingbi na mo pepe? Na ndö ni kue, mo ye ti sara komandema na ndö ti e?

Ndia ti fani use ni 17:16

Ye oko, alingbi gbia ni aduti na ambarata gbani gbani pepe. Alingbi lo tokua azo na Ezipte pepe titene ala gue, avo gba ti ambarata, ngbanga ti so KOTA GBIA atene lani na ala, atene: “Fade ala yeke kiri ti gue na kodro so pepe!”

Ndia ti fani use ni 29:19

Fade KOTA GBIA ayeke zi tënë ni na li ti lo pepe. Ngonzo na mbanda ti KOTA GBIA ayeke londo tongana menga ti wâ na tere ti zo ni. Adengo ba so kue a su tënë ni na ya ti mbeti so, lo yeke sara titene ati na ndö ti zo ni; lo yeke zi iri ti zo ni na ndö ti sese.