Jérémie 42:10 - Mbeti ti Nzapa - Tënë so amu fini

¹⁰ ‘Tongana ala yeda ti ngba na ya ti kodro so, fade mbi yeke kiri ti leke ala na nduzu, mbi yeke kiri ti kungbi ala na sese pepe; mbi yeke kiri ti lu ala tongana ti so a yeke lu keke, mbi yeke kiri ti gboto ala pepe. Fade mbi yeke zia lege ti sioni ye so mbi sara na ala.

Jérémie 42:10 ပူးပေါင်းရင်းမြစ်များ

2 Samuel 24:16

So *ange ti KOTA GBIA ayoro maboko ti lo na mbage ti Jérusalem ti kangbi sioni kobela ni na ya ti gbata ni, KOTA GBIA abaa mawa ti azo ni si lo tene na ange ti fango azo ni, lo tene: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Aravna, zo ti mara ti Yebus.

Abia (Psaumes) 102:16

Fade amara nde ayeke kpe mbeto ti KOTA GBIA, agbia ti sese kue ayeke kpe mbeto ti gonda ti mo.

Abia (Psaumes) 106:45

lo dabe ti lo na tënë ti mbuki ti lo na ala; ndali ti kota nzoni be ti lo, lo zia lege ti ye so lo ye ti sara na ala.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 69:35

Ala ayayu, sese, na akota ngu-ingo, na aye so kue ayeke na ya ni, ala sepela KOTA GBIA!

Sigingo 32:14

Tongaso KOTA GBIA azia ti sara sioni so lo ye fade ti sara na azo ti lo.

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 26:19

Gbia Ezekias na azo ti Juda afâ wayanga-Nzapa Mishe ndali ni? Oko pepe, me ala kpe mbeto ti KOTA GBIA, nilaa ala sara kue ti de be ti lo. Tongaso, sioni kpale so KOTA GBIA atene tënë ti tokuango ni na ndö ti ala, lo zia lege ni. Ti e, tongana e fâ ngbanga fadeso na li ti koli so, andaa e sara sioni mingi na e wani.”

Jérémie 27:11

“Me mara so ayeke yeda ti yo zuge so gbia ti Babilone ayeke zia na ndö ti go ti lo, tongana mara ni ayeda ti sara kua na gbia ti Babilone, mbi yeke zia mara ni kpoo na ndö ti sese ti lo, lo lingbi ti fâ yaka si lo lango na sese ni; so tënë ti yanga ti KOTA GBIA laa.”

Jérémie 31:28

Lani, le ti mbi akpengba na ndö ti ala titene mbi gboto aye, mbi de aye na sese, mbi kungbi aye na sese, mbi buba aye si mbi sara sioni. Me fadeso, le ti mbi akpengba na ndö ti ala titene mbi leke aye na nduzu si mbi lu aye; so tënë ti yanga ti KOTA GBIA laa.

Jérémie 33:7

Mbi yeke sara titene azo ti Juda na azo ti Israel akiri na kozo ndo ti ala, mbi yeke kiri ti leke ala na nduzu tongana ti kozoni.

Jérémie 43:4

Tongaso, Yohanan, molenge ti Karea, lo na amakonzi ti aturugu ni nga na azo so kue ayeke na tere ti ala, ake ti ma yanga so KOTA GBIA amu na ala ti ngba na kodro ti Juda.

Ezekiel 36:36

Tongaso, azo ti mara nde so ayeke ngba na fini na tere ti ala ayeke hinga atene, mbi yeke KOTA GBIA; mbi yeke leke agbata so abuba awe; mbi yeke kiri ti lu ye na yaka so azo abuba ni. Mbi KOTA GBIA, mbi tene tënë awe; mbi yeke sara ye ni.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Amos 7:3

*KOTA GBIA azia lege ti ye so lo ye ti sara so si lo tene: “Ye ni so ayeke si ande pepe.”

Amos 7:6

*KOTA GBIA azia lege ti ye so lo ye ti sara so si lo tene: “Ye ni so nga ayeke si ande pepe.”

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.

Jonas 3:4

Na ya ti lango oko, Jonas atambula na ya ti gbata ni si lo yeke dekongo, lo tene: “Angba lango baleosio titene Ninive abuba biani biani.”

Jonas 4:2

Lo sambela *KOTA GBIA, lo tene: “Âa! KOTA GBIA, tënë so lani mbi tene na be ti mbi na ndembe so mbi yeke na kodro ti mbi so, ni laa asi so pepe? Mbi hinga lani mbi tene, mo yeke Nzapa so mo yeke sara nzoni be na zo si mo yeke baa mawa ti lo; mo yeke sara ngonzo hio hio pepe si nzoni be ti mo asi singo. Mo yeke lakue nduru ti zia lege ti sioni so mo ye ti sara na zo. Ndani laa, mbi londo lani ti kpe hio ti gue na Tarsis.

Awatokua 15:16

‘Na pekoni, fade mbi yeke kiri ti leke da ti David so ati. Aye ti da so atuku, fade mbi yeke leke ni, mbi yeke kiri ti mu da ni na nduzu.

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

Awafango-ngbanga 2:18

Lakue tongana KOTA GBIA amu mbeni wafango-ngbanga na ala, KOTA GBIA ayeke na lo; wafango-ngbanga ni ayeke zi azo ti Israel na maboko ti awato ti ala na ngoi so kue wafango-ngbanga ni angba na fini. KOTA GBIA ayeke baa mawa ti ala tongana ala yeke dema tere ndali ti pasi so ala yeke baa na gbe ti azo so ayeke sara sana na ala.