Jérémie 40:15 - Mbeti ti Nzapa - Tënë so amu fini

¹⁵ Andaa Yohanan aga lani abaa Gedalia na hondengo ni na gbata ti Mispa si atene na lo: “Mbi gbu gere ti mo, zia na mbi lege titene mbi gue, mbi fâ Ismael, molenge ti Netania. Fade zo oko ayeke ma tënë ni pepe. Mo ye titene lo fâ mo ngbanga ti nyen? Tongana lo fâ mo, azo ti Juda so kue abongbi na tere ti mo, fade ala yeke kiri ti kangbi kirikiri si tanga ti azo ti Juda so angba, fade ala yeke kui!”

Jérémie 40:15 ပူးပေါင်းရင်းမြစ်များ

2 Samuel 18:3

Me aturugu ni akiri tënë: “Mo yeke gue pepe! Biani, tongana e kpe, ayeke mbeni kota ye pepe. Ataa a fâ ndambo ti aturugu ti e, ayeke nga mbeni kota ye pepe. Ti mo, mo lingbi na aturugu saki baleoko tongana e so. Nilaa ayeke nzoni mo ngba ti mo na ya ti gbata si mo lingbi ti mu na e maboko.”

2 Samuel 21:17

Me Abishai, so iri ti mama ti lo ayeke Seruya aga amu maboko na David si lo fâ zo ti Filistii ni. Nilaa aturugu ahunda na David ti deba yanga ti lo, atene: “Fade mo yeke kiri ti gue na bira na e pepe, tongaso pepe, gbia ayeke duti na Israel mbeni pepe.”

Mbeti ti Job 31:31

Azo so kue mbi yamba ala na da ti mbi, atene: “Na ndo ti lo, zo wa laa ate nyama, ya ti lo asi pepe, zo wa?”

Jérémie 40:8

Aturugu ni ague, awara Gedalia na Mispa. Amakonzi ti ala ayeke Ismael, molenge ti Netania; Yohanan na Jonatan, ala use kue ayeke amolenge ti Karea; Seraya, molenge ti Tanehumet; amolenge ti Efai ti Netofa na Yazania, zo ti Maaka, ala na azo ti ala.

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Jean 11:50

Ala gbu li ti ala si! Ayeke nzoni zo oko akui ndali ti azo ni si a buba mara ni kue pepe.”

1 Samuel 24:4

Saul asi na gbagba ti ataba so ayeke na yanga ti lege. Mbeni du ti têne ayeke kâ. Saul ali na ya ni ti sara puru. Andaa David na azo ti lo ayeke na ngbonda ti du ti têne ni.

1 Samuel 26:8

Abishai atene na David: “Laso Nzapa azia wato ti mo na maboko ti mo awe. Tongana mo ye mbi kpo lo na likongo, mbi pete lo na sese. Mbi ye ti kpo lo gi fani oko awe.”