Jérémie 40:11 - Mbeti ti Nzapa - Tënë so amu fini

¹¹ Legeoko nga, azo ti Juda so ayeke na sese ti Moab, ala so ayeke na ndo ti azo ti mara ti Amoni nga na ala so ayeke na sese ti Edom, wala ala so ayeke na ya ti akodro nde nde ama a tene, gbia ti Babilone azia lani tanga ti azo angba na sese ti Juda. Lo zia Gedalia, molenge ti Ahikam, molenge ti Shafan na li ti ala.

Jérémie 40:11 ပူးပေါင်းရင်းမြစ်များ

Tongo nda ti aye 36:8

Ezau, so ti tene Edom asara kodro na ndö ti hoto ti Seir.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 16:4

Azo ti e so akpe kodro ti ala so, mo zia lege na ala ti duti na ndo ti mo. Mo mu mbeni ndo na ala titene ala honde tere ti ala daa ndali ti zo ti bubango ndo. Mbeni lâ, zo ti nikango azo ayeke daa mbeni pepe, bubango ndo ayeke hunzi, zo ti sarango ngangu na azo ayeke hon na ya ti kodro ni.

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Jérémie 41:10

Na pekoni, lo gbu azo so kue angba na Mispa si ala ga azo ti kanga; lo gbu nga amolenge-wali ti gbia ni nga na azo so kue Nebuzaradan, makonzi ti aturugu ti batango gbia amu ala na Gedalia, molenge ti Ahikam si ala ga azo ti kanga. Ismael amu azo ti kanga ni si lo gue na ndo ti azo ti mara ti Amon.

Jérémie 43:5

Nilaa Yohanan, molenge ti Karea na amakonzi ti aturugu ni amu tanga ti azo ti Juda so kue angba si ague na ala. Azo ni ayeke azo so a tumba ala na ya ti akodro nde nde so ayeke nduru na Juda si ala kiri aduti na Juda.

Jérémie 43:6

Azo ni ayeke akoli, awali, amolenge, amolenge-wali ti gbia na azo so kue Nebuzaradan, makonzi ti aturugu ti batango gbia azia ala titene ala ngba, ala na Gedalia, molenge ti Ahikam, molenge ti Shafan. Ala mu nga wayanga-Nzapa Jérémie, lo na Baruk, molenge ti Neria si ague na ala.

Ezekiel 25:12

“Tënë so mbi Kota Gbia NZAPA, mbi tene ayeke so: Azo ti Edom asara lani ambeni ye ti kiri peko ti sioni na azo ti Juda. Ndani laa, tënë ayeke na li ti ala, ngbanga ti so ala kiri peko ti sioni na azo ti Juda.

Ezekiel 25:2

“*Molenge ti zo, baa ndo na mbage ti azo ti Amon, mo tene tënë ti peko ti yanga ti mbi na tere ti ala.

Ezekiel 25:6

“Tënë so mbi Kota Gbia NZAPA, mbi tene ayeke so: Ala pika lani maboko, ala huru na ngia ndali ti ye ti vundu so asi na Israel; be ti ala anzere si ala baa azo ti Israel tongana mbumbuse ye na le ti ala.

Ezekiel 25:8

“Tënë so mbi Kota Gbia NZAPA, mbi tene ayeke so: Azo ti Moab na ti Seir atene: ‘Ye so asi na azo ti Juda ayeke tongana ti tanga ti amara kue.’

Ezekiel 34:6

Ataba ti mbi ahon kirikiri na ndö ti akota hoto kue nga na ndö ti akete hoto kue; ataba ti mbi akangbi kirikiri, mbage na mbage na ndö ti sese kue. Zo oko ti baa tënë ti ala ayeke daa pepe; zo oko ti gi ala ayeke daa pepe.

Ezekiel 35:15

Na ndembe so a buba ye so aga ti azo ti Israel, tere ti mo anzere. Mbi yeke sara na mo gi oko ye so mo sara. Mo yeke ga benyama, mo na hoto ti Seir nga na sese ti Edom kue. Tongaso, fade azo ayeke hinga atene, mbi laa mbi yeke KOTA GBIA.”

Ezekiel 35:5

Mo ke azo ti Israel kpu na kpu. Na ngoi so ala yeke na ya ti mawa, na ngoi so a yeke kai asiokpari ti ala, mo londo na bira na tere ti ala.

Ezekiel 5:12

Fade a yeke kangbi ya ti ala ota: kozo kangbi ni ayeke kui ande na sioni kobela ti bubango kodro nga na kota nzara taa na ya ti gbata ni; use kangbi ni ayeke kui kuâ ti yongoro zeme na tere ti gbata ni. Fade mbi yeke kangbi tanga ti azo ni kirikiri na ndo kue si mbi yeke gboto yongoro zeme ti mbi ti tumba peko ti ala.

Ezekiel 5:3

Me mo yeke mu mbage ti kua ni so kete, mo kanga ni na yanga ti bongo ti mo.

Wungo ti azo 22:1

Azo ti Israel ague, asara bâbâ ti ala na lando ti Moab, na mbage ti ngu ti Jourdain so abaa le na gbata ti Jéricho.

Wungo ti azo 25:1

Azo ti Israel aduti na Shitim. Na ndo so, ala to nda ti gingo awali ti mara ti Moab kirikiri.

Wungo ti azo 25:2

Awali ni ahanda azo ti Israel ti mu *asandaga na anzapa ti ala. Azo ti Israel ate akobe ti anzapa ni si ala kuku na gbe ti ala ti voro ala.

1 Samuel 11:1

Nahash, gbia ti azo ti mara ti Amon aga angoro gbata ti Yabesh, na sese ti Galaad ti tiri bira na azo ni. Azo ti Yabesh kue atene na Nahash: “Sara *mbuki na e si fade e yeke duti na gbe ti mo.”

1 Samuel 12:12

Me so ala baa Nahash, gbia ti azo ti Amon aga ti tiri bira na ala, ala tene na mbi: ‘E ye mbeni gbia ti duti na li ti e!’ Andaa KOTA GBIA, Nzapa ti ala laa ayeke fade gbia ti ala.