Jérémie 4:31 - Mbeti ti Nzapa - Tënë so amu fini

³¹ Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Jérémie 4:31 ပူးပေါင်းရင်းမြစ်များ

Tongo nda ti aye 27:46

Rébecca atene na Isaac: “Nzara ti ngbango na fini asigigi na ya ti mbi awe, ngbanga ti so Ezau amu awali ti mara ti Het so. Tongana Jacob amu mbeni molenge-wali ti kodro so, fade mbi yeke ngba ti duti na fini ngbanga ti nyen?”

Mbeti ti Job 10:1

Nzara ti gigi ni ahunzi na be ti mbi awe! Mbi yeke kiri ti kanga be ti mbi na demango tere ti mbi pepe; mbi ye ti sigigi na sengo ye so ayeke na be ti mbi.

Abia (Psaumes) 120:5

Mawa na mbi so mbi lango na popo ti awande, mawa na mbi so mbi duti na popo ti azo ti sarango sioni so!

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 13:8

Kota mbeto agbu ala, gere ti ala akui, ya ti tere ti ala aso songo. Ala yeke ba tere ti ala tongana wali so ayeke du molenge. Ala yeke baa le ti tere si li ti ala kue akpe, le ti ala kue gi na ngonzo.

Ésaïe 21:3

Ndani laa tere ti mbi ayeke do na mbeto, tere ti mbi ayeke so tongana ti wali so aga nduru ti du. Ye so mbi ma so asara si li ti mbi aga kirikiri, ye so mbi baa so azia kota mbeto na be ti mbi.

Ésaïe 26:17

KOTA GBIA, e yeke na dawa ti mo tongana mama ti ngo so aga nduru ti du, lo yeke baa pasi si na ya ti songo tere, lo yeke dekongo.

Ésaïe 42:14

*KOTA GBIA atene: “Mbi duti kpoo aninga mingi awe, mbi kanga yanga ti mbi, mbi kanga be ti mbi. Me fadeso, mbi yeke ga ti dekongo tongana wali na ndembe ti dungo ni, mbi dema, mbi wu ngangu, mbi wu nzoni pepe.

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Jérémie 10:19

“So mawa na mbi! So kota kpale ti nyen! Ka ti mbi ayeke hunzi pepe. Mbi tene lani na be ti mbi, mbi tene: Pasi ti mbi ni ayeke ngangu pepe, mbi yeke kanga be ti mbi daa senge.

Jérémie 13:21

Azo so lani mo mu lege na ala ti ga akamarade ti mo so, na ndembe so ala yeke ga ti so na ndö ti mo, fade mo yeke tene nyen? Mo yeke baa pasi tongana wali na ndembe ti dungo ni.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Jérémie 15:18

Ngbanga ti nyen laa pasi ti mbi ayeke hunzi pepe so? Ngbanga ti nyen laa ka ti mbi aye ti mu pepe so? A zia yoro daa gbaa so? Biani, mo ga tongana li ti ngu so ahanda mbi; na mbeni ngoi, ngu asi singo daa; na mbeni ngoi, ngu ni ahole; zo alingbi ti zia be ti lo daa pepe.

Jérémie 18:21

Ndani laa, mo zia amolenge ti ala akui na nzara. Mo sara si ala wani akui na lege ti yongoro zeme. Ayeke nzoni awali ti ala aga awali-mua si amolenge ti ala akui. Ayeke nzoni kuâ amu akoli ti ala si amaseka-koli ti ala akui na ya ti bira.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Jérémie 30:6

Ala hunda ndo si ala baa ndo: Koli adu molenge laoko awe? Me ngbanga ti nyen si mbi baa akoli kue azia maboko na ndö ti ngbonda ti ala tongana wali na ndembe ti dungo ni so? Ngbanga ti nyen si le ti ala kue gi na mawa so?

Jérémie 45:2

“Baruk, tënë so *KOTA GBIA, Nzapa ti Israel atene ndali ti mo ayeke so:

Jérémie 48:41

A mu agbata na bira awe, ando so ngangu gbagba ayeke na tere ni, a mu ni awe. Tongaso, be ti angangu turugu ti Moab afun kue tongana ti wali na ndembe ti dungo ni.

Jérémie 49:22

Wato azi ya ti *kpangi ti lo, lo yeke huru na le ti nduzu tongana *ngoalo na ndö ti gbata ti Bosra. Na lango ni so, fade be ti angangu zo ti bira ti Edom ayeke fun kue tongana ti wali na ndembe ti dungo ni.

Jérémie 49:24

Be ti azo ti Damas awoko kue awe, ala turne tere ti ala ti kpe ti hon, ala yeke do na mbeto. Be ti ala afun kue si ala yeke baa pasi tongana wali na ndembe ti dungo ni.

Jérémie 50:43

So gbia ti Babilone ama tënë ni, ngangu ti lo kue ahunzi, vundu agbu be ti lo si lo baa pasi tongana wali na ndembe ti dungo ni.

Jérémie 6:2

Mo *Sion, mo yeke tongana pendere maseka-wali, mo *wali-ndomo, mbi sara si yanga ti mo akanga awe.

Abia ti demango tere 1:17

Sion ayoro maboko ti lo na demango tere; me mbeni zo ti de be ti lo ayeke daa pepe. Amara so alango nduru na azo ti Israel so, KOTA GBIA amu yanga titene ala ga awato ti Israel ni; Jérusalem aga mbeni sarate ye na popo ti ala.

Abia ti demango tere 1:20

KOTA GBIA, mo baa, pasi ti mbi ahon ndoni; akamba ti ya ti mbi kue ayeke do dongo; be ti mbi kue ayeke yingi yingingo, ngbanga ti so mbi sara ngangu li ahon ndoni. Kâ na gigi amolenge ti mbi akui; ge na ya ti da, gi kuâ na kuâ.

Abia ti demango tere 2:21

Akuâ ti amolenge na ti akangba alango na ndö ti alege kirikiri. Amaseka-wali na amaseka-koli ti mbi akui kuâ ti yongoro zeme. Na lango so ngonzo ti mo alondo, mo fâ azo kirikiri, mo sara mawa ti zo oko pepe.

Osée 13:13

Fade songo ya ti wali so aga nduru ti du ayeke kiri na ndö ti ala; me molenge ni ahinga ndo pepe: so ndembe ti dungo lo alingbi awe, lo ke ti sigigi na ya ti mama ti lo.

Mishe 4:10

Ala azo ti Jérusalem, ala gbu ya ti ala, ala toto tongana wali so aye ti du, ngbanga ti so ala yeke sigigi fadeso na ya ti gbata ni ti gue ti duti na ya ti ngonda. Ala yeke gue na kodro ti Babilone; kâ, *KOTA GBIA ayeke zi ala, lo yeke gboto ala na maboko ti awato ti ala.

Mishe 4:9

Ala azo ti Jérusalem, ngbanga ti nyen si ala yeke dekongo fadeso ngangu tongaso? Ngbanga ti nyen si ala yeke baa pasi tongana wali so aye ti du? Gbia ayeke na kodro ti ala pepe? Awamungo-wango ti ala akui awe?

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

1 Korente 9:16

Ndali ti fango Nzoni Tënë so mbi yeke fa, mbi lingbi ti pika kate ti mbi pepe. Fango Nzoni Tënë ayeke ye so Nzapa amu na mbi yanga ti sara. Mawa na mbi tongana mbi fa Nzoni Tënë ni pepe!

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.