Jérémie 4:28 - Mbeti ti Nzapa - Tënë so amu fini

²⁸ Ndani laa, fade sese ayeke mua si le ti nduzu, yongoro na nduzu kâ ayeke vuko. Mbi tene tënë so awe, awe! Be ti mbi ayeke so daa pepe; mbi yeke kiri na ndö ni mbeni pepe.”

Jérémie 4:28 ပူးပေါင်းရင်းမြစ်များ

Ésaïe 24:4

Sese ayeke na mua, abuba kue. Dunia ati biani biani si ayeke buba. Le ti nduzu na sese ati legeoko.

Ésaïe 34:4

Aye so kue ayeke na le ti nduzu ayeke hon kirikiri, le ti nduzu ayeke rule tere ti lo tongana mbeni mbeti. Aye so kue ayeke na le ti nduzu ayeke tuku tongana aholengo kugbe ti keke ti vinye wala ti keke ti fige.

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Ésaïe 50:3

Mbi yu yayu na vukongo ndo, mbi yu na lo bongo ti mua.”

Jérémie 12:11

Biani, ala sara si yaka ni aga ngonda. Na le ti mbi, yaka ni ayeke na mua; kodro ni kue aga ngonda, me tënë ni agbu be ti zo oko pepe.”

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Jérémie 14:2

“Kodro ti Juda ayeke na mua, agbata ti lo ayeke ti tingo. Azo ni ayeke sara mua, ala duti na sese. Demango tere ti Jérusalem ague ngbii asi na yayu.

Jérémie 23:10

“Kodro so asi singo na azo ti sarango aye ti ndumba. Sese ni ayeke na mua ndali ti adengo ba, ndo ti tengo pere ti anyama ahole kasakasa. Azo ni ayeke kpe gi na peko ti ye ti sioni; be ti ala awoko pepe na sarango ye so akpa pepe.

Jérémie 23:20

Ngonzo ti KOTA GBIA ayeke kai ande pepe ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 51:12

Ala yo na nduzu mbeni bendere so afa atene, ala yeke nduru ti tiri bira. Ala zia bendere ni na tere ti agbagba ti Babilone! Ala sara si wungo ti aturugu so ayeke bata ndo ni aga mingi ahon ti kozoni! Ala zia asanziri na tere ti agbagba ni; ala honde azo na ya ti ngonda! Biani, ye so KOTA GBIA aleke na be ti lo ti sara na azo ti Babilone so, lo yeke sara ye alingbi na ni.

Jérémie 7:16

“Jérémie, mbi ye titene mo sambela ndali ti azo so pepe. Mo toto wala mo voro tere ti mo na mbi ndali ti ala pepe; mo ngba ti sambela mbi ndali ti ala pepe, ngbanga ti so fade mbi yeke ma mo pepe.

Abia ti demango tere 2:17

KOTA GBIA asara ye so lo leke na be ti lo ti sara; lo sara ye alingbi na tënë ti yanga ti lo, tënë so lo leke na be ti lo ando kozoni so. Lo buba kodro ni kue awe; lo baa mawa ti zo oko pepe. Lo mu lege na awato ti he gbata ti Jérusalem; lo kiri lo mu ngangu mingi na awato ni.

Ezekiel 24:14

Mbi KOTA GBIA, mbi tene tënë awe. Ye so kue ayeke si; mbi yeke sara ye ni. Mbi yeke zia ni ahon senge pepe; mbi yeke baa mawa ti ye oko pepe, be ti mbi ayeke so oko pepe. A yeke fâ ngbanga na li ti mo alingbi na lege ti dutingo ti mo nga na asarango ye ti mo. So tënë ti yanga ti Kota Gbia NZAPA laa.”

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Osée 4:3

Ndani laa fade ndo ayeke hole kue na ya ti kodro ni, azo ti kodro ni kue ayeke nge ngengo, ala, na anyama ti ngonda na andeke ti nduzu; ataa asusu ti kota ngu-ingo ayeke hunzi kue.

Joël 1:10

Ayaka abuba kue awe, sese ayeke na mawa. *Ble abuba kue awe, fini vin ayeke daa mbeni pepe, nzoni mafuta ahunzi awe.

Zakarii 8:14

Tënë so KOTA GBIA so ayeke na ndö ti dunia kue atene ayeke so: “Ando, mbi leke na be ti mbi ti sara pasi na ala, ngbanga ti so akotara ti ala azia ngonzo na be ti mbi; mbi de ti zia peko ti tënë ni pepe.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Matthieu 27:45

Ti londo na bekombite ngbii asi na ngbonga ota, ndo avuko na ya ti kodro ni kue.

Marc 15:33

Ti londo na bekombite ngbii asi na ngbonga ota, ndo avuko na ya ti kodro ni kue.

Nzoni Tënë so Luc asu na mbeti 23:44

So bekombite aga nduru awe, ndo avuko na ya ti kodro ni kue, ngbii asi na ngbonga ota.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Ahebro 7:21

Me ti Jésus, Nzapa adeba yanga ti lo, atene: “*Kota Gbia adeba yanga ti lo awe, lo yeke kiri na ndö ti tënë ti lo pepe: mo yeke duti wayango-sandaga kpu na kpu.”

Aye so Nzapa afa 6:12

So Molenge ti Taba azi omene nzoroko ni, mbi baa sese ayingi ngangu: lâ avuko tongana vuko bongo ti mua, le ti nze aga bengba tongana mene;

1 Samuel 15:29

Kota Gbia, lo so lo yeke gonda ti Israel ayeke tene mvene pepe. Lo yeke zo pepe titene lo kiri na peko na ndö ti tënë ti lo.”