Jérémie 4:26 - Mbeti ti Nzapa - Tënë so amu fini

²⁶ Mbi baa ndo: baa, yaka so lani kobe ayeke du daa mingi so, yaka ni aga gi benyama. Na lege ti ngonzo ti wâ ti KOTA GBIA, agbata ti kodro ni kue ati na sese, na gbe ti le ti lo.

Jérémie 4:26 ပူးပေါင်းရင်းမြစ်များ

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Jérémie 12:13

Ala lu *ble, me ala wara akeke ti ki. Ala baa pasi senge senge, ye ti peko ni ayeke daa oko pepe. Aye so ala wara so aga ye ti kamene na ala ndali ti ngonzo ti wâ ti KOTA GBIA.

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Jérémie 25:11

Fade kodro so kue ayeke ga ndo ti gba ti atêne si ayeke ga ye ti dongo be. Na ya ti ngu balembarambara, amara ni kue ayeke duti na gbe ti komandema ti gbia ti Babilone.

Jérémie 7:34

Mbi yeke kai ngia ti azo na ya ti agbata ti Juda nga na ndö ti alege ti Jérusalem; mbi yeke kai nzerengo tere ti azo so ayeke he bia; mbi yeke kai bia ti koli na wali so ayeke sara matanga ti mungo tere. Biani, ngia ti ala ni ayeke kai, ngbanga ti so kodro ni abuba kue.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Abia ti demango tere 2:7

Be ti KOTA GBIA akiri aye gbalaka ti asandaga ti lo mbeni pepe; lo ke kota da ti lo awe. Agbagba ti ada ti makonzi ti Sion so, KOTA GBIA azia ni na maboko ti awato awe. Mo ma go ti azo kirikiri na ya ti kota da ti KOTA GBIA, mo baa mo tene lango ti matanga laa.

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.