Jérémie 4:20 - Mbeti ti Nzapa - Tënë so amu fini

²⁰ Azo ayeke dekongo, atene: “Aye abuba na peko ti tere, na peko ti tere!” Biani, kodro ni kue abuba awe! Gi hio tongaso, azo abuba ada ti mbi ti bongo; ala buba nga gbefa ti mbi.

Jérémie 4:20 ပူးပေါင်းရင်းမြစ်များ

Abia (Psaumes) 42:7

Nzapa ti mbi, mbi yeke na vundu. Na ndo so kue mbi yeke daa, ataa mbi yeke kâ na sese ti Jourdain, ataa mbi yeke na li ti ahoto ti Hermon, ataa mbi yeke na tere ti hoto ti Misar, mbi yeke dabe ti mbi na mo.

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Sigingo 33:5

KOTA GBIA atene na Moïse: “Tene na azo ti Israel, mo tene: ‘Ala yeke azo ti ngangu li! Tongana mbi gue na ala gi na ya ti kete nduru ngbonga, fade mbi yeke fâ ala kue ti hunzi ala. Fadeso, ala zi aye ti baba ti ala ni; mbi yeke baa ye so mbi yeke sara ndali ti ala.’ ”

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 15:5

Mbi dema na vundu ndali ti Moab. Azo ni akpe ngbii asi na Soar nga na Eglat-Selisia. Ala yeke toto si ala yeke ma hoto ti Luhit. Na lege ti guengo na Horonaim, ala yeke dekongo, atene: “Ye kue abuba awe!”

Ésaïe 33:20

Mo baa *Sion, gbata so ando e yeke sara amatanga ti e daa, mo baa Jérusalem, ndo so azo ayeke duti daa kpoo; gbata ni ayeke ga tongana da ti bongo so ayeke kiri ti zi ni pepe, a yeke kiri ti gboto awen so a kpo ti gbu na da ni pepe, a yeke kiri ti zi akamba ni pepe.

Ésaïe 47:9

Baa, fade aye ti mawa use so ayeke si na mo: gi hio tongaso, na ya ti lango oko, amolenge ti mo ayeke kui, mo yeke ga nga wali-mua. Ataa gba ti azo ti mo ti yoro, ataa ngangu ti azo ti mazi ti mo, fade aye so kue ayeke si na mo.

Ésaïe 54:2

Kono ya ti da ti bongo ti mo, gboto ya ti abongo ni titene da ni akono ahon ti kozo ni. Aye so mo mu ti sara na kua ti da ni, mo zia be ti mo na ndö ti angere ni pepe. Sara si akamba ti da ni ayo, mo kpo akeke ti da ni akpengba.

Jérémie 12:11

Biani, ala sara si yaka ni aga ngonda. Na le ti mbi, yaka ni ayeke na mua; kodro ni kue aga ngonda, me tënë ni agbu be ti zo oko pepe.”

Jérémie 17:18

Azo so ayeke sara ngangu na mbi so, ayeke nzoni kamene agbu le ti ala, me mbi pepe! Ayeke nzoni ala do na mbeto, me mbi pepe! Sara si lango ti kota kpale aga na ndö ti ala, mo fâ ala biani biani!

Jérémie 4:21

Mbi yeke ngba ti baa abendere so a gboto na nduzu so ngbii asi lawa? Mbi yeke ngba ti ma toto ti didi ngbii asi lawa?

Jérémie 4:27

Tënë so KOTA GBIA atene ayeke so: “Fade kodro ni kue ayeke ga ngonda; me ye kue laa mbi yeke buba ni pepe.

Jérémie 4:6

Ala yo na nduzu mbeni bendere; ala yo ni na mbage ti *Sion. Ala kpe ahonde tere ti ala! Ala luti na lege pepe! Mbi yeke sara si ye ti mawa na kota kpale so ayeke buba ndo alondo na mbage ti Banga ti ga.

Jérémie 9:18

Na mbage ti *Sion, a yeke ma go ti mbeni zo so ayeke dema tere: “Ae, azo ahunzi e kue awe! So ye ti kamene na e titene e zia kodro ti e ti hon! So ye ti kamene na e so azo akungbi ada ti e kue na sese awe so!”

Abia ti demango tere 3:47

Ti e, kota mbeto laa ayeke fâ e, kota du ti kuâ laa ayeke ku e. E kiri e ngba zo pepe, e yeke ti e ye mbeni pepe.

Ezekiel 14:21

Biani, tënë so Kota Gbia NZAPA atene ayeke so: “Mbi tokua asioni kpale ti mbi osio na ndö ti Jérusalem: bira, kota nzara, asioni nyama na sioni kobela ti bubango kodro. Mbi tokua ni ti fâ azo na anyama kue ti hunzi ala.

Joël 1:15

Ae! So lango ti nyen? *Lango ti KOTA GBIA aga nduru awe, lango ni ayeke tongana mbeni kota kpale so ayeke buba ndo kue; alondo na lo so ngangu ti lo ahon angangu kue.

Awayango-sandaga 26:18

“Na peko ti aye so kue, tongana ala ma yanga ti mbi pepe, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:21

“Tongana ala ngba ti sara ngangu li na mbi si ala ke ti ma yanga ti mbi, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:24

fade mbi nga, mbi yeke sara ngangu li na ala, mbi yeke kiri ti pika ala fani mbarambara ndali ti asiokpari ti ala.

Awayango-sandaga 26:28

fade mbi nga, na sioni ngonzo na be ti mbi, mbi yeke sara ngangu li na ala; mbi wani, mbi yeke kiri ti pika ala fani mbarambara ndali ti asiokpari ti ala.

Habakuk 3:7

Mbi baa azo ti Kushan, tere ti ala ado na ya ti ada ti ala ti bongo; mbi baa azo ti Madian, ala sara mbeto na ya ti ada ti ala so ala sara na bongo.

Wungo ti azo 16:21

“Ala londo na popo ti azo ni ahon, mbi yeke hunzi ala kue fafadeso.”

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo