Jérémie 39:17 - Mbeti ti Nzapa - Tënë so amu fini

¹⁷ Me na lango ni so, mbi yeke zi mo si azo so mo yeke kpe mbeto ti ala so, a yeke zia mo na maboko ti ala pepe; so tënë ti yanga ti KOTA GBIA laa.

Jérémie 39:17 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

1 Agbia 18:15

Me Élie akiri tënë na Obadia, atene: “KOTA GBIA ayeke na fini! Lo so lo yeke na ndö ti dunia kue, lo so mbi yeke sara na lo. Mbi deba yanga ti mbi, mbi tene: gi laso, laso, mbi yeke fa tere ti mbi na Akab.”

1 Agbia 18:16

Obadia ague, awara Akab si lo fa na lo peko ti ye so asi. Akab ague ti tengbi Élie na lege.

2 Agbia 6:16

Élisée akiri tënë: “Sara mbeto pepe! Ala so ayeke na e ayeke mingi ahon ala so ayeke na ala.”

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 38:1

Shefatia, molenge ti Matan, Gedalia, molenge ti Pashehur, Yukal, molenge ti Shelemia na Pashehur, molenge ti Malkia, ama atënë so Jérémie ayeke tene na azo kue, atene:

Jérémie 38:9

“Babâ gbia, ye so kue azo so asara na wayanga-Nzapa Jérémie so ayeke sioni mingi; ala bi lo na ya ti du ti ngu! Lo yeke kui na ya ti du ni, ngbanga ti so kobe ayeke na ya ti gbata ni mbeni pepe.”

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’