Jérémie 38:7 - Mbeti ti Nzapa - Tënë so amu fini

⁷ Andaa Ebed-Melek, mbeni zo ti Etiopii ayeke daa. Lo yeke mbeni kota zo so ayeke sara kua na yangbo ti gbia; lo ma a tene, a zia Jérémie na ya ti du ti ngu. Me gbia ayeke duti na yanga ti gbagba so iri ni Benjamin.

Jérémie 38:7 ပူးပေါင်းရင်းမြစ်များ

2 Agbia 24:15

Lo gbu Yoakin, mama ti lo, awali ti lo, akota zo ti yangbo ti lo nga na akota zo ti kodro ti lo; lo gbu ala na Jérusalem si lo gue na ala na Babilone.

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Amato 29:10

Azo ti fango zo ake zo so sarango ye ti lo ayeke na legeni; me azo ti mbirimbiri agi lege ti bata fini ti zo so.

Ésaïe 56:3

Wande so amu tere ti lo na KOTA GBIA, alingbi lo tene na be ti lo pepe, lo tene: “KOTA GBIA ayeke zi mbi na popo ti azo ti lo.” Alingbi *mbaiwa atene nga pepe, atene: “Mbi yeke ti mbi holengo keke.”

Jérémie 13:23

Zo ti Etiopii alingbi ti gbian poro ti tere ti lo? Ze alingbi ti zi anzoroko ti tere ti lo? Ala so sarango sioni aga ye ti tere ti ala so, ala lingbi ti sara nzoni ye?

Jérémie 20:2

Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Jérémie 29:2

Lo tokua mbeti ni na peko ti so gbia Yekonia, na gbia-wali, na akota zo ti yangbo ti gbia, akota zo ti sese ti Juda na ti Jérusalem, azo ti pikango ndao nga na azo ti sarango ye na kode alondo na Jérusalem awe.

Jérémie 34:19

Akota zo ti Juda na ti Jérusalem, azo ti kua ti yangbo ti gbia, awayango-sandaga na asenge zo ti kodro, ala so kue ahon na popo ti kete bagara so a suru ya ni use so,

Jérémie 37:13

So lo si na yanga ti gbagba ti Benjamin, lo tengbi na mbeni makonzi ti aturugu ti batango gbia so iri ti lo Iria, molenge ti Shelemia, molenge ti Hanania. Iria agbu wayanga-Nzapa Jérémie si atene na lo: “Mo yeke kpe ti kiri na mbage ti azo ti Babilone laa!”

Jérémie 38:8

Tongaso Ebed-Melek asigigi na yangbo ti gbia, lo gue, lo baa gbia si lo tene na lo:

Amos 5:10

Zo so ayeke ke na awafango-ngbanga sioni fango ngbanga ti ala, be ti ala ake lo; zo so aga ti tene taa-tënë na le ti ngbanga, ala yeke baa lo na sioni le.

Zakarii 14:10

Ti londo na Geba ngbii asi na Rimon, na Mbongo ti Jérusalem, fade kodro ni kue ayeke ga lando. Jérusalem ayeke duti na ndo so ayeke na nduzu; gbata ni ayeke londo na yanga ti gbagba ti Benjamin ngbii asi na yanga ti gbagba so iri ni Ti-Ndangoro, ayeke gue ngbii asi na ngbene yanga ti gbagba ni; akiri ague ngbii asi na kota da ti Hananeel so ayo na nduzu, ngbii asi na ndo so a yeke pete vin ti gbia daa.

Matthieu 20:16

Ti hunzi na ni, Jésus atene: ‘Fade azo ti ndani ayeke ga azo ti li ni si azo ti li ni ayeke ga azo ti ndani.’ ”

Ndia ti fani use ni 21:19

Tongana ye ni ayeke tongaso, fade babâ na mama ni ayeke gbu molenge ni ti gue na lo na gbe ti ngbanga, na ndo ti *akangba ti gbata ni, na yanga ti gbagba ti gbata ti lo.

Josué 20:4

Zo so afâ mba ti lo na mbana pepe so, tongana lo si na yanga ti gbata ni, fade lo yeke luti na ndo so ti fa na akangba ti gbata ni peko ti ye so lo sara. Akangba ni ayeke mu lo na tere ti ala, ala yeke li na lo na ya ti gbata ni si ala yeke mu na lo ndo titene lo lango daa na popo ti ala.