Jérémie 38:6 - Mbeti ti Nzapa - Tënë so amu fini

⁶ Tongaso ala mu Jérémie si ala bi lo na ya ti du ti ngu ti Malkia, molenge ti gbia. Du ti ngu ni ayeke na ya ti gbagba ti aturugu ti batango gbia. Ala zia lo na ya ti du ni na lege ti kamba. Na ya ti du ni, ngu ayeke daa pepe, gi potopoto. Nilaa Jérémie alinda na ya ti potopoto ni.

Jérémie 38:6 ပူးပေါင်းရင်းမြစ်များ

Tongo nda ti aye 37:24

Ala gbu lo si ala bi lo na ya ti du ti ngu. Andaa ya ti du ti ngu ni ayeke senge, ngu ayeke daa pepe.

Abia (Psaumes) 109:5

Mbi sara nzoni na ala, me ala kiri sioni na mbi; mbi ye ala, me be ti ala ake mbi.

Abia (Psaumes) 40:2

Mbi ku *KOTA GBIA na be ti mbi kue, lo ba tere ti lo na mbage ti mbi, lo ma toto ti mbi.

Abia (Psaumes) 69:2

O Nzapa, soo mbi, ngu amene mbi asi na go ti mbi!

Jérémie 32:2

Andaa na ngoi ni so, aturugu ti Babilone angoro Jérusalem ti mu ni na bira. Ti wayanga-Nzapa Jérémie, a gbu lo si a kanga lo na yangbo ti gbia ti Juda, mbirimbiri na ya ti gbagba ti aturugu ti batango gbia.

Jérémie 36:26

Lo mu yanga na Yerameel, molenge ti gbia, na Seraya, molenge ti Azriel nga na Shelemia, molenge ti Abdeel ti gbu wakuasu Baruk, lo na wayanga-Nzapa Jérémie; me Nzapa ahonde ala awe.

Jérémie 37:16

Ala bi Jérémie na ya ti du so a yeke kanga azo daa, taa na ngbonda ni kâ; lo ngba na ya ni aninga.

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Jérémie 38:13

Akoli ni agboto Jérémie na kamba ni si ala sigigi na lo na ya ti du ni. Na pekoni Jérémie angba na ya ti gbagba ti aturugu ti batango gbia.

Jérémie 38:22

awali so kue angba na yangbo ti gbia ti Juda, fade a yeke mu ala ti gue na ala na aturugu ti kota kamba ti gbia ti Babilone; awali ni ayeke he bia so na iri ti mo, atene: ‘Ataa azo so aye mo mingi, ala handa mo alingbi ala awe! Mo linda na ya ti potopoto awe, ala do mo azia!’

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Zakarii 9:11

*KOTA GBIA atene: “Ndali ti *mbuki so mbi na mo, e sara, na lege ti mene ti asandaga so, fade mbi yeke zi ambeni zo ti mo so akanga ala na ya ti du so ngu ayeke daa pepe.

Awatokua 16:24

So wabatango da ti kanga ni ama tënë so, lo bi ala na ya ti mbeni kete kubu so ayeke na ngbonda ti da ti kanga ni. Lo kanga gere ti ala na ya ti akota keke.

Ahebro 10:36

Alingbi ala kanga be ti ala tongana ala ye ti sara ye so be ti Nzapa aye, ti wara ye so Nzapa amu zendo ni.