Jérémie 38:28 - Mbeti ti Nzapa - Tënë so amu fini

²⁸ Jérémie angba na ya ti gbagba ti aturugu ti batango gbia ngbii asi na lango so a mu Jérusalem. Baa, ye so asi na ndembe so a mu Jérusalem laa:

Jérémie 38:28 ပူးပေါင်းရင်းမြစ်များ

Abia (Psaumes) 23:4

Ataa mbi hon na popo-hoto so avuko pitipiti, mbeto ti sioni ye oko asara mbi pepe, ngbanga ti so mo KOTA GBIA, mo yeke na mbi. Na keke ti mo ti wabatango-taba, mo yeke fa lege na mbi, mo yeke bata mbi; ye so ayeke mu ngangu na be ti mbi laa!

Jérémie 33:1

So Jérémie ade na ya ti gbagba ti aturugu ti batango gbia, na ndo so a kanga lo daa, tënë ti *KOTA GBIA akiri asi na lo, atene:

Jérémie 37:20

Ti hunzi na ni, Jérémie akiri atene: “Babâ gbia, fadeso, mbi gbu gere ti mo, mo ma mbi si! Ayeke nzoni vorongo tere ti mbi na mo agbu be ti mo: mo sara si a kiri na mbi na da ti wakuasu Jonatan pepe; tongaso pepe, fade mbi yeke kui kâ.”

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Jérémie 38:13

Akoli ni agboto Jérémie na kamba ni si ala sigigi na lo na ya ti du ni. Na pekoni Jérémie angba na ya ti gbagba ti aturugu ti batango gbia.

Jérémie 38:27

Andaa taa-tënë, aturugu ti kota kamba aga abaa Jérémie si ala hunda lo na tënë. Me Jérémie akiri tënë na ala gi tongana ti so gbia amu fade yanga na lo. Tongaso ala zia lo kpoo, ngbanga ti so tënë ni ade na gbe mingo.

Jérémie 39:13

Nebuzaradan, makonzi ti aturugu ti batango gbia ama tere na Nebushazban, makonzi ti azo ti kua ti gbia, na Nergal-Sareser, kota komanda ti aturugu na tanga ti aturugu ti kota kamba kue ti gbia ti Babilone.

Jérémie 39:14

Ala tokua azo ti gue ti mu Jérémie na ya ti gbagba ti aturugu ti batango gbia; ala zia lo na maboko ti Gedalia, molenge ti Ahikam, molenge ti Shafan. Gedalia amu yanga na Jérémie ti kiri na da ti lo. Tongaso Jérémie aduti na popo ti azo ti kodro ni.

Jérémie 39:15

Na ndembe so Jérémie angba na kanga na ya ti gbagba ti aturugu ti batango gbia, tënë ti *KOTA GBIA asi na lo, atene:

2 Timothée 3:11

nga na aye ti ngangu so ando asi na mbi. Mbi baa pasi mingi na Antioshe, na Ikoniom, na Listre. Aye ti ngangu ti nyen laa asi na mbi pepe? Me *Kota Gbia azi mbi na ya ni kue.