Jérémie 38:23 - Mbeti ti Nzapa - Tënë so amu fini

²³ Biani, fade a yeke mu awali ti mo na amolenge ti mo ti gue na ala na azo ti Babilone; ti mo, mo yeke kpe na maboko ti ala oko pepe. Gbia ti Babilone ayeke gbu mo ti ga zo ti kanga si lo yeke bi wâ na gbata ni.”

Jérémie 38:23 ပူးပေါင်းရင်းမြစ်များ

2 Agbia 25:7

A fâ go ti amolenge ti Sedesias taa na le ti lo. Na pekoni, gbia ti Babilone akoro le ti Sedesias, lo kanga lo na azingiri use ti bengba wen si lo gue na lo na Babilone.

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Jérémie 32:4

Ti Sedesias, gbia ti Juda, lo yeke kpe na maboko ti azo ti Babilone pepe. Biani, fade a yeke zia lo na maboko ti gbia ti Babilone, lo wani, lo yeke tene tënë na gbia ni si lo yeke baa lo le na le.

Jérémie 34:3

Ti mo, fade mo yeke kpe na maboko ti lo pepe; a yeke gbu mo si a zia mo na maboko ti lo. Mo na gbia ti Babilone ayeke baa tere le na le si lo wani, lo yeke tene tënë na mo. Na pekoni, mo yeke gue na Babilone.

Jérémie 37:8

Azo ti Babilone ayeke kiri ti ga, ala yeke tiri bira na gbata so, ala yeke mu ni si ala yeke bi wâ daa.

Jérémie 38:18

Me tongana mo ke ti zia tere ti mo na maboko ti aturugu ti kota kamba ti gbia ti Babilone, fade a yeke zia gbata so na maboko ti azo ti Babilone si ala yeke bi wâ na ya ni; ti mo, mo yeke kpe na maboko ti ala pepe.’ ”

Jérémie 38:24

Tongaso Sedesias atene na Jérémie: “Tongana mo ye ti kui pepe, atënë so mbi na mo, e tene so, alingbi mbeni zo ama ni pepe.

Jérémie 39:5

Me aturugu ti Babilone atumba peko ti ala si ala wara Sedesias na lando ti Jéricho. Aturugu ni agbu lo si ague na lo na Nabukodonosor, gbia ti Babilone na gbata ti Ribla, na sese ti Hamat. Kâ laa Nabukodonosor afâ ngbanga na li ti lo.

Jérémie 39:6

Na Ribla, gbia ti Babilone afâ go ti amolenge ti Sedesias taa na le ti lo; lo fâ nga go ti akota zo ti Juda kue.

Jérémie 41:10

Na pekoni, lo gbu azo so kue angba na Mispa si ala ga azo ti kanga; lo gbu nga amolenge-wali ti gbia ni nga na azo so kue Nebuzaradan, makonzi ti aturugu ti batango gbia amu ala na Gedalia, molenge ti Ahikam si ala ga azo ti kanga. Ismael amu azo ti kanga ni si lo gue na ndo ti azo ti mara ti Amon.

Jérémie 6:12

Fade ada ti ala ayeke ga ti ambeni zo nde; ayaka ti ala na awali ti ala ayeke ga ti ambeni zo nde; so tënë ti yanga ti KOTA GBIA laa. Biani, fade mbi yeke yoro maboko ti mbi ti pika azo ti kodro ni,

Ezekiel 14:9

“Tongana mbeni wayanga-Nzapa azia lege si azo ahanda lo si lo kiri tënë lo wani, mbi KOTA GBIA laa, mbi handa wayanga-Nzapa so. Mbi yeke yoro maboko ti mbi ti pika lo si mbi yeke zi lo na popo ti azo ti Israel, azo ti mbi.

Ezekiel 17:15

Me lo tomboka na tere ti gbia ti Babilone. Lo tokua azo na Ezipte titene kodro ni amu na lo ambarata na gba ti aturugu. Zo so asara ye so, fade ye ni ayeke ga nzoni na lo laa? Lo yeke sigigi na ya ti kpale ni? Oko pepe, ngbanga ti so lo wani, lo buba lege ti mbuki ni awe.

Ezekiel 43:3

Ye so mbi baa na ya ti mbeni ye tongana bango-li so akpa ye so ando mbi baa tongana *KOTA GBIA aga ti buba Jérusalem; akpa ye so mbi baa na ngoi so mbi yeke na tere ti *bale ti Kebar. Tongaso, mbi kuku, mbi kpo li ti mbi na sese.

Wungo ti azo 4:18

“Ala sara kue titene azo ti kete mara ti Kehat angba na fini na popo ti azo ti mara ti Lévi.