Jérémie 38:20 - Mbeti ti Nzapa - Tënë so amu fini

²⁰ Me Jérémie atene na lo: “A yeke zia mo na maboko ti ala pepe. Ayeke nzoni mo ma tënë ti KOTA GBIA so mbi yeke tene peko ni na mo so; ndali ni, fade mo yeke baa nzoni si mo yeke soo fini ti mo.

Jérémie 38:20 ပူးပေါင်းရင်းမြစ်များ

Tongo nda ti aye 12:13

Mbi gbu gere ti mo; ayeke nzoni mo tene na ala, mo tene, mo yeke ita ti mbi ti wali. Tongaso si ala sara nzoni na mbi ndali ti mo si mbi ngba na fini ndali ti mo.”

Tongo nda ti aye 19:20

Mo baa gbata so kâ so? Gbata ni ayeke nduru ge; mbi lingbi ti kpe ti gue daa si mbi soo kuâ. Gbata ni ayeke mbeni kete gbata so akpa pepe. Zia mbi kpe kâ si mbi ngba na fini.”

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Amato 4:4

Lani, babâ ti mbi ayeke fa na mbi aye tongaso: “Bata atënë ti mbi na be ti mo; sara ye alingbi na atënë ti yanga ti mbi si fade mo ngba na fini.

Amato 7:2

Tongana mo ye ti ngba na fini, alingbi mo bata andia ti mbi. Aye so mbi fa na mo, mo bata ni tongana mboma ti le ti mo.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Jérémie 11:4

Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Jérémie 11:8

Me ala ma tënë ni pepe, ala dingi mê ti ala pepe ti ma tënë ni. Zo oko oko angba ti sara sioni ye so be ti lo afa na lo. Tongaso, mbi sara si atënë kue ti ya ti mbuki ni akiri na ndö ti ala, ngbanga ti so mbi mu yanga na ala ti sara ye alingbi na atënë ti ya ti mbuki ni, me ala ke.’ ”

Jérémie 26:13

Ti fadeso, ala sara si lege ti dutingo ti ala na sarango ye ti ala akiri aga nzoni; ala ma yanga ti KOTA GBIA Nzapa ti ala! Tongaso, sioni kpale so lo tene tënë ti tokuango ni na ndö ti ala, lo yeke zia lege ni.

Jérémie 38:21

Me tongana mo ke ti zia tere ti mo na maboko ti ala, baa ye so ayeke si ande na mo, so KOTA GBIA afa na mbi laa:

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Amos 5:4

Tënë so *KOTA GBIA atene na azo ti Israel ayeke so: “Ala gi mbi si fade ala duti na fini.

Amos 5:6

Ala gi KOTA GBIA si fade ala duti na fini. Tongaso pepe, fade lo yeke ga tongana wâ na tere ti asewa ti Joseph, wâ ni ayeke gbi ye kue na Betel si zo oko ti mingongo ni ayeke duti daa pepe.

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.