Jérémie 38:17 - Mbeti ti Nzapa - Tënë so amu fini

¹⁷ Tongaso Jérémie atene na Sedesias: “Tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Tongana mo sigigi ti gue ti zia tere ti mo na maboko ti aturugu ti kota kamba ti gbia ti Babilone, fade mo yeke soo fini ti mo si a yeke gbi gbata so pepe; mo yeke ngba na fini, mo na asewa ti mo.

Jérémie 38:17 ပူးပေါင်းရင်းမြစ်များ

Tongo nda ti aye 12:13

Mbi gbu gere ti mo; ayeke nzoni mo tene na ala, mo tene, mo yeke ita ti mbi ti wali. Tongaso si ala sara nzoni na mbi ndali ti mo si mbi ngba na fini ndali ti mo.”

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

2 Agbia 25:27

Ngu baleota na mbarambara na peko ti so a gbu Yoakin, gbia ti Juda a gue na lo na kodro wande, Evil-Merodak aga gbia ti Babilone. Na lango baleuse na mbarambara ti nze baleoko na use ni, na kozo ngu so lo ga gbia, lo sara nzoni be na Yoakin, gbia ti Juda si lo zi lege na lo ti sigigi na da ti kanga.

1 Mbai 17:24

Ayeke nzoni ye ni asi alingbi na tënë ni, tongaso si azo agonda iri ti mo kpu na kpu, ala tene: ‘KOTA GBIA so ngangu ti lo ahon angangu kue, Nzapa ti Israel ayeke Nzapa ndali ti Israel.’ Sara si lengo-gbia ti ahale ti mbi, zo ti kua ti mo, akpengba.

Esdras 9:4

Mbi ngba tongaso ngbii asi na ngbonga so a yeke mu *sandaga ti lakui. Azo mingi asara mbeto ti fango ngbanga ti Nzapa ti Israel ndali ti sioni ye mingi so azo so a gbu ala si ala kiri so asara; azo ni kue abongbi na tere ti mbi.

Mbeti ti Job 23:13

Me tënë ti be ti lo ayeke gi oko. Zo wa laa alingbi ti sara si lo sanze? Ye so anzere na lo ti sara, lo yeke sara ni.

Abia (Psaumes) 80:14

mbenge ti gbako abuba keke ni kue, anyama ti ngonda ayeke te akugbe ni.

Abia (Psaumes) 80:7

Mo sara si azo so ayeke nduru na e ayeke tiri na popo ti ala ndali ti e, e ga ye so awato ti e ayeke he na ngia.

Jérémie 27:12

Mbi Jérémie, mbi tene na Sedesias, gbia ti Juda, gi oko tënë so, mbi tene: “Ayeke nzoni ala yeda ti yo zuge so gbia ti Babilone azia na ndö ti go ti ala, ala sara kua na lo nga na azo ti kodro ti lo, tongaso si fade ala, azo ti Juda, ala yeke ngba na fini.

Jérémie 27:17

Ala ma awayanga-Nzapa ni pepe! Ala sara kua na gbia ti Babilone si fade ala yeke ngba na fini! Ala ye titene gbata so aga ndo ti gba ti atêne ngbanga ti nyen?’

Jérémie 27:8

“Tongana mbeni mara wala mbeni kodro-gbia ake ti sara kua na Nabukodonosor, gbia ti Babilone, tongana mara ni wala kodro ni ake ti yoro go ti lo na gbe ti zuge ti gbia ti Babilone, mbi yeke ga na tere ti mara ni na lege ti bira, kota nzara na sioni kobela ti bubango kodro. Na lege ti lo, mbi yeke sara si kodro ni abuba biani biani.

Jérémie 38:2

“Tënë so *KOTA GBIA atene ayeke so: ‘Zo so ayeke ngba ande na ya ti gbata so, fade lo yeke kui na lege ti bira, kota nzara na sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti azo ti Babilone, fade lo yeke soo fini ti lo; ye so ayeke ngba na lo ayeke gi fini ti lo.’ ”

Jérémie 39:3

Tongaso aturugu ti kota kamba kue ti gbia ti Babilone ali na ya ti gbata ni si ala duti na yanga ti gbagba so iri ni Ti-be-gbagba. Azo so aduti na ndo so ayeke Nergal-Sareser, kota komanda ti aturugu, lo na Samgar-Nebo, na Sar-Sekim, makonzi ti azo ti kua ti gbia, ala na tanga ti aturugu ti kota kamba kue ti gbia ti Babilone.

Jérémie 40:9

Gedalia, molenge ti Ahikam, molenge ti Shafan, adeba yanga ti lo na aturugu ni nga na amakonzi ti ala, atene: “Mbeto ti sara kua na gbe ti azo ti Babilone asara ala pepe! Ala duti na ya ti kodro ni, ala sara kua na gbe ti gbia ti Babilone, tongaso si fade ala yeke baa nzoni.

Jérémie 44:7

“Fadeso, tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Ala ngba ti sara sioni gbani gbani na ala wani tongaso ngbanga ti nyen? Ala ye ti hunzi azo ti mara ti Juda hunzingo: akoli, awali, amaseka na amolenge so angba ti nyon me? Ala ye titene mbeni zo oko ti ala akiri angba na fini pepe?

Ezekiel 8:4

Gonda ti Nzapa ti Israel asi na mbi na ndo ni so, gonda ni ayeke tongana ti so mbi baa kozoni na popo-hoto so.

Amos 5:27

Ndani laa, mbi yeke sara si a gbu ala ti gue na ala yongoro na peko ti Damas kâ”; tënë so KOTA GBIA atene laa. Iri ti lo ayeke “Nzapa so ayeke na ndö ti dunia kue.”