Jérémie 38:16 - Mbeti ti Nzapa - Tënë so amu fini

¹⁶ Me gbia Sedesias adeba yanga ti lo na hondengo ni na Jérémie, atene: “KOTA GBIA ayeke na fini! Lo so lo mu na e fini, fade mbi yeke fâ mo pepe. Azo so aye gi kuâ ti mo so, mbi yeke zia mo na maboko ti ala pepe.”

Jérémie 38:16 ပူးပေါင်းရင်းမြစ်များ

Zo ti bongbingo azo 12:7

Na ngoi ni so, fade tere ti zo ayeke kiri na ya ti fuku ti sese, ngbanga ti so a mu zo na ya ti fuku ti sese. Na pekoni, yingo ayeke kiri na Nzapa so amu yingo na zo.

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Ésaïe 57:16

Biani, mbi yeke bi tënë na li ti azo lakue pepe, wala mbi yeke sara ngonzo lakue lakue pepe. Tongaso pepe, azo so kue mbi sara ala, ka ala yeke kui.

Jérémie 34:20

fade mbi yeke zia ala na maboko ti awato ti ala, azo so aye gi kuâ ti ala. Kuâ ti ala ayeke ga kobe ti andeke ti nduzu na ti anyama ti sese.

Jérémie 37:17

Na pekoni gbia Sedesias atokua titene a ga na Jérémie. Gbia ni ahunda lo na hondengo ni na ya ti yangbo ti lo, atene: “Mbeni tënë ti *KOTA GBIA ayeke daa ndali ti mbi?” Jérémie akiri tënë: “Een, ayeke daa; tënë ni ayeke so: ‘Fade a yeke zia mo na maboko ti gbia ti Babilone.’ ”

Zakarii 12:1

Nengo tënë. So ayeke tënë so *KOTA GBIA atene na ndö ti azo ti Israel. So tënë ti yanga ti KOTA GBIA laa, lo so lo gbara le ti nduzu si lo lu gere ti sese, lo so lo zia pupu na ya ti zo, lo tene:

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Wungo ti azo 27:16

“KOTA GBIA Nzapa, mo so mo yeke mu fini na azo na anyama kue, mo soro mbeni zo ti duti na li ti bongbi ti azo ni.

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Awatokua 17:25

Lo yeke ku titene maboko ti azo laa asara ye na lo pepe, ngbanga ti so lo laa lo yeke mu fini na azo, lo laa lo yeke sara titene azo awu pupu, lo laa lo mu aye kue na azo.

Awatokua 17:28

Biani, ‘Na lege ti lo laa e yeke na fini, e yeke tambula si e yeke daa.’ “Ambeni zo ti ala so ayeke azo ti sungo mbeti na kode, atene: ‘E nga, e yeke amolenge ti lo.’

Ahebro 12:9

Ababâ ti e ti sese so ayeke pika ka e ti kiri na e na nzoni lege si e yeke kpe mbeto ti ala. Tongaso, ayeke nzoni ahon titene e ma yanga ti Babâ ti e so ayeke na yayu si e duti na fini.