Jérémie 38:12 - Mbeti ti Nzapa - Tënë so amu fini

¹² Na pekoni Ebed-Melek, zo ti Etiopii ni atene na Jérémie: “Zia agbagba bongo ni na gbe ti maboko ti mo; mo zia kamba ni na ndö ni.” Jérémie asara ye ni tongaso.

Jérémie 38:12 ပူးပေါင်းရင်းမြစ်များ

Jérémie 38:11

Ebed-Melek amu akoli baleota so si ague na ala. Lo gue, lo si na yangbo ti gbia, na ya ti mbeni kubu so ayeke na gbe ti da ti mosoro. Kâ, lo mu agbagba bongo so asuru kue, lo kanga ni na yanga ti kamba si lo yoro ni na Jérémie na ya ti du ni.

Jérémie 38:13

Akoli ni agboto Jérémie na kamba ni si ala sigigi na lo na ya ti du ni. Na pekoni Jérémie angba na ya ti gbagba ti aturugu ti batango gbia.

Jérémie 38:7

Andaa Ebed-Melek, mbeni zo ti Etiopii ayeke daa. Lo yeke mbeni kota zo so ayeke sara kua na yangbo ti gbia; lo ma a tene, a zia Jérémie na ya ti du ti ngu. Me gbia ayeke duti na yanga ti gbagba so iri ni Benjamin.

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

Rome 12:15

Ala sara ngia na azo so ayeke na ngia, ala toto na azo so ayeke toto.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.