Jérémie 38:11 - Mbeti ti Nzapa - Tënë so amu fini

¹¹ Ebed-Melek amu akoli baleota so si ague na ala. Lo gue, lo si na yangbo ti gbia, na ya ti mbeni kubu so ayeke na gbe ti da ti mosoro. Kâ, lo mu agbagba bongo so asuru kue, lo kanga ni na yanga ti kamba si lo yoro ni na Jérémie na ya ti du ni.

Jérémie 38:11 ပူးပေါင်းရင်းမြစ်များ

Jérémie 38:10

Tongaso gbia amu yanga na Ebed-Melek, zo ti Etiopii ni, atene: “Mu akoli baleota na tere ti mo, mo gi lege ti sigigi na Jérémie na ya ti du ti ngu ni, tongaso si lo kui pepe.”

Jérémie 38:12

Na pekoni Ebed-Melek, zo ti Etiopii ni atene na Jérémie: “Zia agbagba bongo ni na gbe ti maboko ti mo; mo zia kamba ni na ndö ni.” Jérémie asara ye ni tongaso.

Jérémie 38:6

Tongaso ala mu Jérémie si ala bi lo na ya ti du ti ngu ti Malkia, molenge ti gbia. Du ti ngu ni ayeke na ya ti gbagba ti aturugu ti batango gbia. Ala zia lo na ya ti du ni na lege ti kamba. Na ya ti du ni, ngu ayeke daa pepe, gi potopoto. Nilaa Jérémie alinda na ya ti potopoto ni.

Jérémie 38:7

Andaa Ebed-Melek, mbeni zo ti Etiopii ayeke daa. Lo yeke mbeni kota zo so ayeke sara kua na yangbo ti gbia; lo ma a tene, a zia Jérémie na ya ti du ti ngu. Me gbia ayeke duti na yanga ti gbagba so iri ni Benjamin.

Josué 6:19

Wen ti nginza kue na lôro nga na aye so kue a sara na bengba wen nga na wen, fade ala zia ni nde ndali ti KOTA GBIA; ala zia ni na ya ti kubu so a yeke bata amosoro ti KOTA GBIA daa.”