Jérémie 37:7 - Mbeti ti Nzapa - Tënë so amu fini

⁷ “Tënë so KOTA GBIA, Nzapa ti Israel atene ayeke so: ‘Ala gue, atene na gbia ti Juda so atokua ala ti ga ti baa mbi so, ala tene: aturugu ti Faraon so aga fade ti mu maboko na ala so amu lege ti kiri na Ezipte, kodro ti ala awe.

Jérémie 37:7 ပူးပေါင်းရင်းမြစ်များ

2 Agbia 22:18

Me ti gbia ti Juda so atokua ala ti hunda mbi KOTA GBIA so, fade ala yeke tene na lo: Tënë so KOTA GBIA, Nzapa ti Israel atene ayeke so: Mo ma tënë ti ya ti mbeti so nzoni awe.

2 Agbia 24:7

Gbia ti Ezipte akiri asigigi na ya ti kodro ti lo pepe, ngbanga ti so gbia ti Babilone amu asese so kue ayeke ando na gbe ti komandema ti gbia ti Ezipte, ti londo na katikati ti kodro ni na Banga ti Ezipte ngbii asi na *bale ti Efrate.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 30:7

Biani, maboko so Ezipte amu ayeke ye senge, alingbi ti sara ye oko pepe. Ndani laa mbi di iri ti kodro ni “Rahab so angba gi ndo oko”.

Ésaïe 36:6

Baa, mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Jérémie 2:18

Fadeso, nyen laa ayeke gboto mo ti gue na mo na Ezipte titene mo nyon ngu ti Nil so nyen? Nyen laa anzere na mo na mungo lege ti gue na Asirii titene mo nyon ngu ti Efrate so nyen?

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 2:37

Fade mo yeke londo kâ ti kiri, li ti mo aba na sese, ngbanga ti so KOTA GBIA ake azo so mo mu tere ti mo na ala so. So nzoni lege titene mo bata tere ti mo laa pepe.”

Jérémie 21:1

Tënë ti *KOTA GBIA asi na Jérémie na ngoi so gbia Sedesias atokua Pashehur, molenge ti Malkia, lo na wayango-sandaga Sefania ti gue ti tene na Jérémie, atene:

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Jérémie 37:3

Andaa gbia Sedesias atokua Yukal, molenge ti Shelemia, lo na wayango-sandaga Sefania, molenge ti Maaseya, ti tene na wayanga-Nzapa Jérémie, atene: “E gbu gere ti mo, sambela KOTA GBIA Nzapa ti e ndali ti e!”

Jérémie 37:5

Aturugu ti gbia Faraon alondo na Ezipte ti ga. So azo ti Babilone so ayeke ngoro gbata ti Jérusalem ti mu ni na bira, ama sango ni, ala gboto tere ti ala ahon yongoro kete na Jérusalem.

Jérémie 37:6

Tongaso, tënë ti KOTA GBIA asi na wayanga-Nzapa Jérémie, atene:

Abia ti demango tere 1:7

Gbata ti Jérusalem aga buba awe, gbata ni aga tongana mbeni zo so ayeke hon kirikiri, ngbonda ti lo agbu sese pepe. Na ya ti alango ni so, lo dabe ti lo na amosoro ti lo so lo yeke na ni ando. Fadeso azo ti gbata ti Jérusalem kue ati na ya ti maboko ti awato awe, zo ti ga ti mu maboko na ala ayeke daa pepe. Awato abaa gbata ti Jérusalem ni, ala yeke he ni hengo, ngbanga ti so gbata ni akiri angba gbata pepe.

Abia ti demango tere 4:17

Le ti e angba gi na lege ti ku; e baa ndo gbaa: zo ti ga ti mu maboko na e ayeke daa pepe. E ngba ti ku mbeni mara nde so alingbi ti ga ti soo e; andaa mara ni so alingbi ti soo e pepe.

Ezekiel 17:17

Na ndembe ti bira ni, na ndembe so azo ti Babilone ayeke bongbi sese na tere ti gbagba titene aga *koto si ala yeke zi adu na gbe ti gbagba ni ti fâ na gba ti azo, ataa Faraon ti Ezipte aga na gba ti aturugu nga na gba ti azo, lo yeke sara ye oko pepe ndali ti gbia ti Israel.

Ezekiel 29:16

Fade azo ti Israel ayeke kiri ti zia be ti ala na ndö ti kodro ni pepe ti duti na siriri. Ala yeke kiri ti sara siokpari pepe na lege so ala yeke hunda na azo ti Ezipte ti mu na ala maboko. Tongaso, fade azo ayeke hinga atene, mbi laa mbi yeke KOTA GBIA.”

Ezekiel 30:22

Ndani laa, tënë so mbi Kota Gbia NZAPA, mbi tene ayeke so: Mbi yeke ga na tere ti Faraon, gbia ti Ezipte. Mbi yeke kungbi amaboko ti lo use kue, maboko ti lo so angba nzoni na mbeni so akungbi awe so. Mbi yeke sara si yongoro zeme so ayeke na maboko ti lo ati na sese.