Jérémie 37:3 - Mbeti ti Nzapa - Tënë so amu fini

³ Andaa gbia Sedesias atokua Yukal, molenge ti Shelemia, lo na wayango-sandaga Sefania, molenge ti Maaseya, ti tene na wayanga-Nzapa Jérémie, atene: “E gbu gere ti mo, sambela KOTA GBIA Nzapa ti e ndali ti e!”

Jérémie 37:3 ပူးပေါင်းရင်းမြစ်များ

1 Agbia 13:6

Gbia amu tënë si lo tene na zo ti Nzapa so, lo tene: “Mbi gbu gere ti mo, mo toto na KOTA GBIA, Nzapa ti mo titene ngonzo ti lo ade. Mo sambela lo ndali ti mbi titene mbi kiri na maboko ti mbi na tere ti mbi.” Zo ti Nzapa so asambela si ngonzo ti KOTA GBIA ade; gbia akiri na maboko ti lo na tere ti lo tongana ti kozoni.

Sigingo 10:17

Fadeso, ala kiri azi tënë na li ti mbi ti fani oko ni maa! Ala sambela KOTA GBIA, Nzapa ti ala titene lo zi mbi na ya ti kuâ so.”

Sigingo 8:28

Ataa so kue, Faraon akiri asara ngangu li si lo ke ti zia lege na azo ti Israel ti gue.

Sigingo 8:8

Moïse na Aaron alondo na ndo ti Faraon asigigi. Moïse atoto na KOTA GBIA ndali ti akongba so lo tokua ala na tere ti Faraon so.

Sigingo 9:28

Ala sambela KOTA GBIA titene sioni bekpa na pembe ti bekpa ni akai. Mbi yeke zia lege na ala ti gue; ala yeke kiri ti luti na ndo so pepe.”

Jérémie 15:11

Andaa *KOTA GBIA atene lani na mbi, atene: “Mbi mu zendo ti zi mo titene mo baa nzoni; mbi mu zendo ti sara si awato ti mo avoro tere ti ala na mo na ngoi ti ye ti sioni nga na ngoi ti ye ti vundu.

Jérémie 2:27

“Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Jérémie 29:21

“Tënë so KOTA GBIA so ayeke na ndö ti dunia kue, Nzapa ti Israel atene na ndö ti Ahab, molenge ti Kolaya na Sidekia, molenge ti Maaseya ayeke so: ala use kue ayeke awayanga-Nzapa ti mvene, ataa so ala yeke tene peko ti atënë ti yanga ti Nzapa na azo, atene: ‘Mbi yeke zia awayanga-Nzapa ni na maboko ti Nabukodonosor, gbia ti Babilone si lo yeke fâ ala na gbe ti le ti ala, azo ti Jérusalem.

Jérémie 29:25

Tënë so *KOTA GBIA so ayeke na ndö ti dunia kue, Nzapa ti Israel atene ayeke so: Mo su mbeti na iri ti mo, mo tokua na azo so kue ayeke na Jérusalem, na wayango-sandaga Sefania, molenge ti Maaseya nga na tanga ti awayango-sandaga kue. Tënë so mo yeke tene na ya ti mbeti ni ayeke so:

Jérémie 37:17

Na pekoni gbia Sedesias atokua titene a ga na Jérémie. Gbia ni ahunda lo na hondengo ni na ya ti yangbo ti lo, atene: “Mbeni tënë ti *KOTA GBIA ayeke daa ndali ti mbi?” Jérémie akiri tënë: “Een, ayeke daa; tënë ni ayeke so: ‘Fade a yeke zia mo na maboko ti gbia ti Babilone.’ ”

Jérémie 37:7

“Tënë so KOTA GBIA, Nzapa ti Israel atene ayeke so: ‘Ala gue, atene na gbia ti Juda so atokua ala ti ga ti baa mbi so, ala tene: aturugu ti Faraon so aga fade ti mu maboko na ala so amu lege ti kiri na Ezipte, kodro ti ala awe.

Jérémie 38:1

Shefatia, molenge ti Matan, Gedalia, molenge ti Pashehur, Yukal, molenge ti Shelemia na Pashehur, molenge ti Malkia, ama atënë so Jérémie ayeke tene na azo kue, atene:

Jérémie 42:1

Tongaso amakonzi kue ti aturugu, mbirimbiri Yohanan, molenge ti Karea, lo na Yezania, molenge ti Hoshaya nga na azo so kue ayeke na ndo so, akete zo na akota zo, ague nduru na

Jérémie 42:20

Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Jérémie 52:24

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga awayango-sandaga ota so ayeke bata yanga ti kota da ti Nzapa.

Wungo ti azo 21:7

Tanga ti azo ti Israel ague, awara Moïse si atene na lo: “E sara siokpari, e kasa KOTA GBIA, e kasa nga mo! Toto na KOTA GBIA titene lo zi angbo so yongoro na tere ti e.” Moïse atoto na KOTA GBIA ndali ti azo ti Israel.

Awatokua 8:24

Simon akiri tënë, atene: “Ala wani asambela Kota Gbia ndali ti mbi si sioni so ala tene tënë ni so asi na mbi pepe.”

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”