Jérémie 37:20 - Mbeti ti Nzapa - Tënë so amu fini

²⁰ Ti hunzi na ni, Jérémie akiri atene: “Babâ gbia, fadeso, mbi gbu gere ti mo, mo ma mbi si! Ayeke nzoni vorongo tere ti mbi na mo agbu be ti mo: mo sara si a kiri na mbi na da ti wakuasu Jonatan pepe; tongaso pepe, fade mbi yeke kui kâ.”

Jérémie 37:20 ပူးပေါင်းရင်းမြစ်များ

Abia (Psaumes) 119:170

Ayeke nzoni demango tere ti mbi ague, asi na mo; zi mbi na ya ti sioni alingbi na atënë ti yanga ti mo.

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jérémie 36:7

Tongaso, e hinga pepe, vorongo tere ti ala ayeke si na KOTA GBIA si zo oko oko ayeke zia sioni lege ti sarango ye ti lo. Biani, KOTA GBIA asara ngonzo mingi si ngonzo ti lo ti wâ alondo na tere ti mara so.”

Jérémie 38:26

Fade mo yeke kiri tënë na ala: ‘Mbi voro gi tere ti mbi na gbia titene lo kiri na mbi na da ti Jonatan pepe; tongaso pepe, fade mbi yeke kui.’ ”

Jérémie 38:28

Jérémie angba na ya ti gbagba ti aturugu ti batango gbia ngbii asi na lango so a mu Jérusalem. Baa, ye so asi na ndembe so a mu Jérusalem laa:

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.