Jérémie 37:2 - Mbeti ti Nzapa - Tënë so amu fini

² Tënë so *KOTA GBIA atene na lege ti wayanga-Nzapa Jérémie, Sedesias, na akota zo ti yangbo ti lo nga na azo ti kodro ti Juda ama ni pepe.

Jérémie 37:2 ပူးပေါင်းရင်းမြစ်များ

2 Samuel 10:2

David atene: “Mbi ye ti sara nzoni be na Hanun, molenge ti Nahash tongana ti so babâ ti lo asara ando nzoni be na mbi.” Nilaa David atokua azo ti kua ti lo ti kangbi mua na lo ndali ti kuâ ti babâ ti lo. So azo ti kua ti David asi na kodro ti azo ti Amon awe,

2 Samuel 12:25

KOTA GBIA amu yanga na wayanga-Nzapa Natan ti zia iri na ndö ti molenge ni. Nilaa Natan adi iri ti molenge ni Yedidia, so ti tene “KOTA GBIA aye lo”.

1 Agbia 14:18

A lu lo si azo ti Israel atoto kuâ ti lo alingbi na tënë so KOTA GBIA atene na lege ti zo ti kua ti lo, wayanga-Nzapa Ahia.

1 Agbia 16:7

Tënë ti KOTA GBIA so asi lani na wayanga-Nzapa Yehu, molenge ti Hanani si lo tene peko ni na ndö ti Basha na azo ti sewa ti lo so, nda ni ayeke use: Kozoni, Basha na azo ti sewa ti lo asara ye so ayeke sioni na le ti KOTA GBIA; ala zia ngonzo na be ti lo na lege ti asioni sarango ye ti ala. Ala sara sioni tongana ti so Yeroboam na azo ti sewa ti lo asara. Use ni, Basha afâ azo ti sewa ti Yeroboam kue.

2 Mbai 36:11

Sedesias ayeke na ngu baleuse na oko si lo ga gbia; lo le-gbia ngu baleoko na oko na Jérusalem.

Sigingo 4:13

Moïse atene: “KOTA GBIA, mbi gbu gere ti mo! Tokua mbeni zo nde so mo ye!”

Amato 26:6

Zo so atokua zo ti buba, ye ni akpa tongana lo fâ gere ti lo wani; lo yeke wara tënë ngangu mingi.

Amato 29:12

Tongana mbeni makonzi adingi mê ti lo ti ma gi atënë ti mvene, azo ti gbe ti lo kue ayeke ga azo ti sioni.

Jérémie 34:2

“Tënë so KOTA GBIA, Nzapa ti Israel atene ayeke so: Gue mo baa Sedesias, gbia ti Juda; mo tene na lo, mo tene: Tënë so KOTA GBIA atene ayeke so: Mbi yeke zia gbata so na maboko ti gbia ti Babilone, fade lo yeke bi wâ daa.

Ezekiel 21:25

Oko ti alege ni, aturugu ti Babilone ayeke mu ni ti gue na Raba, gbata ti azo ti mara ti Amon. Use lege ni, ala yeke mu ni ti gue na Juda, na Jérusalem, gbata so a sara ngangu gbagba na tere ni.

Osée 12:10

Me ti mbi, ti to nda ni na sese ti Ezipte ngbii asi fadeso, mbi yeke KOTA GBIA, Nzapa ti mo. Fade mbi yeke kiri ti sara si mo lango na gbe ti da ti bongo tongana ti alango so lani mbi na mo, e wara tere so.

Awayango-sandaga 8:36

Aaron na amolenge ti lo asara aye so kue KOTA GBIA amu yanga daa na lege ti Moïse.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.