Jérémie 37:17 - Mbeti ti Nzapa - Tënë so amu fini

¹⁷ Na pekoni gbia Sedesias atokua titene a ga na Jérémie. Gbia ni ahunda lo na hondengo ni na ya ti yangbo ti lo, atene: “Mbeni tënë ti *KOTA GBIA ayeke daa ndali ti mbi?” Jérémie akiri tënë: “Een, ayeke daa; tënë ni ayeke so: ‘Fade a yeke zia mo na maboko ti gbia ti Babilone.’ ”

Jérémie 37:17 ပူးပေါင်းရင်းမြစ်များ

1 Agbia 22:15

Mishe aga na dawa ti gbia si gbia ahunda lo, atene: “Mishe, alingbi e gue, e tiri bira na gbata ti Ramot, na sese ti Galaad wala e zia lege ni?” Mishe akiri tënë na lo, atene: “Mo gue senge! Fade mo yeke so benda! Fade KOTA GBIA ayeke zia ni na maboko ti gbia.”

1 Agbia 22:16

Me gbia atene na lo: “Fani oke laa mbi lingbi ti hunda na mo titene mo deba yanga ti mo ti tene na mbi gi taa-tënë na iri ti KOTA GBIA?”

2 Agbia 25:7

A fâ go ti amolenge ti Sedesias taa na le ti lo. Na pekoni, gbia ti Babilone akoro le ti Sedesias, lo kanga lo na azingiri use ti bengba wen si lo gue na lo na Babilone.

Jérémie 15:11

Andaa *KOTA GBIA atene lani na mbi, atene: “Mbi mu zendo ti zi mo titene mo baa nzoni; mbi mu zendo ti sara si awato ti mo avoro tere ti ala na mo na ngoi ti ye ti sioni nga na ngoi ti ye ti vundu.

Jérémie 21:7

Na pekoni, mbi yeke zia Sedesias, gbia ti Juda, lo na azo ti gbe ti lo, na maboko ti gbia ti Babilone. Mbi yeke zia nga na maboko ti gbia ni azo ti gbata ni, ala so angba na fini na peko ti sioni kobela ti bubango kodro, ala so angba na fini na peko ti bira na kota nzara. Biani, fade mbi yeke zia azo ni na maboko ti awato ti ala nga na maboko ti azo so aye gi kuâ ti ala. Gbia Nabukodonosor ayeke fâ azo ni kue, lo yeke zia zo oko pepe, lo yeke baa mawa ti zo oko pepe, lo yeke hinga zo oko pepe; so tënë ti yanga ti KOTA GBIA laa.’ ”

Jérémie 24:8

“Me ti asioni fige so akpa titene zo ate ni pepe, ngbanga ti ala yeke sioni ahon ndoni so, tënë so mbi KOTA GBIA, mbi tene ayeke so: Ye so zo ayeke sara na afige ni, gi ni laa mbi yeke sara na Sedesias, gbia ti Juda, lo na akota zo ti kodro ti lo, na tanga ti azo ti Jérusalem na ala so kue angba na ya ti kodro ni nga na ala so aduti fadeso na sese ti Ezipte.

Jérémie 25:35

Ti azo ti li ni, ndo titene ala kpe daa ti honde tere ti ala ayeke daa pepe! Ti awabatango-taba, ndo titene ala kpe daa ayeke daa pepe!

Jérémie 37:3

Andaa gbia Sedesias atokua Yukal, molenge ti Shelemia, lo na wayango-sandaga Sefania, molenge ti Maaseya, ti tene na wayanga-Nzapa Jérémie, atene: “E gbu gere ti mo, sambela KOTA GBIA Nzapa ti e ndali ti e!”

Jérémie 38:5

Tongaso gbia Sedesias akiri tënë na ala: “Lo laa na maboko ti ala so! Ataa so mbi yeke gbia, mbi lingbi ti kanga lege na ala pepe.”

Jérémie 52:8

Me aturugu ti Babilone atumba peko ti gbia Sedesias si ala gue, awara lo na lando ti Jéricho. Aturugu ti lo kue akpe kirikiri, ala do lo azia.

Ezekiel 7:26

Akpale ayeke si na peko ti tere, na peko ti tere, sioni sango ayeke ga na ndö ti tere, na ndö ti tere. Azo ayeke hunda na wayanga-nzapa ti tene na ala peko ti ye so lo baa na ya ti mbeni ye tongana bango-li; wayango-sandaga ayeke na ye oko pepe ti fa na azo, *akangba ayeke kiri ti mu wango pepe.

Wungo ti azo 23:17

Balaam akiri na tere ti Balak so angba ti luti na tere ti sandaga ti lo, lo na amakonzi ti sese ti Moab kue. Balak ahunda Balaam, atene: “KOTA GBIA atene nyen?”

Marc 6:20

Biani, Herode ayeke kpe mbeto ti Jean, ngbanga ti so lo hinga, lo tene, Jean ayeke zo ti mbirimbiri, lo yeke nga zo so Nzapa azia lo nde ndali ti lo. Herode ayeke bata lo titene azo asara sioni na lo pepe. Lo yeke na nzara mingi ti ma Jean-Baptiste; me tongana lo ma lo, lo hinga ye so lo lingbi ti sara ni pepe.