Jérémie 37:15 - Mbeti ti Nzapa - Tënë so amu fini

¹⁵ Akota zo ni asara ngonzo mingi na tere ti Jérémie si ala pika lo. Na pekoni, ala kanga lo na ya ti da ti Jonatan, wakuasu ti letaa; andaa azo ni asara si da ni aga da ti kanga.

Jérémie 37:15 ပူးပေါင်းရင်းမြစ်များ

Tongo nda ti aye 39:20

Lo mu yanga titene a gbu Joseph, a bi lo na da ti kanga, na ndo so a yeke bi ka azo ti kanga ti gbia daa so. Joseph aduti na da ti kanga ni.

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 18:26

Ala tene na amakonzi ni, atene: Tënë so gbia atene ayeke so: ‘Ala bi ye so na da ti kanga! Ala mu na lo gi kete fuku ti mapa na kete kete ngu ngbii asi na lango so mbi yeke kiri na kodro na nzoni tere si.’ ”

Jérémie 18:23

Mo KOTA GBIA, mo hinga apialo so kue ala leke na tere ti mbi ti fâ mbi. Mo zi sioni na li ti ala pepe, sara si siokpari ti ala ahon na le ti mo pepe. Ayeke nzoni ala ti na sese na dawa ti mo. Na ndembe ti ngonzo ti mo, mo sara sana na ala.

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Jérémie 32:2

Andaa na ngoi ni so, aturugu ti Babilone angoro Jérusalem ti mu ni na bira. Ti wayanga-Nzapa Jérémie, a gbu lo si a kanga lo na yangbo ti gbia ti Juda, mbirimbiri na ya ti gbagba ti aturugu ti batango gbia.

Jérémie 37:20

Ti hunzi na ni, Jérémie akiri atene: “Babâ gbia, fadeso, mbi gbu gere ti mo, mo ma mbi si! Ayeke nzoni vorongo tere ti mbi na mo agbu be ti mo: mo sara si a kiri na mbi na da ti wakuasu Jonatan pepe; tongaso pepe, fade mbi yeke kui kâ.”

Jérémie 37:4

Na ngoi ni so, ade ti zia Jérémie na da ti kanga pepe; lo yeke tambula na popo ti azo senge.

Jérémie 38:26

Fade mo yeke kiri tënë na ala: ‘Mbi voro gi tere ti mbi na gbia titene lo kiri na mbi na da ti Jonatan pepe; tongaso pepe, fade mbi yeke kui.’ ”

Jérémie 38:6

Tongaso ala mu Jérémie si ala bi lo na ya ti du ti ngu ti Malkia, molenge ti gbia. Du ti ngu ni ayeke na ya ti gbagba ti aturugu ti batango gbia. Ala zia lo na ya ti du ni na lege ti kamba. Na ya ti du ni, ngu ayeke daa pepe, gi potopoto. Nilaa Jérémie alinda na ya ti potopoto ni.

Jérémie 39:15

Na ndembe so Jérémie angba na kanga na ya ti gbagba ti aturugu ti batango gbia, tënë ti *KOTA GBIA asi na lo, atene:

Matthieu 21:35

Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Matthieu 23:34

Ndani laa, mbi yeke tokua na ala awayanga-Nzapa, azo ti ndara na awafango-ndia. Ala, afarizien na awafango-ndia, ala yeke fâ ande ambeni si ala yeke fâ ambeni na ndö ti keke ti kroa. Ala yeke pika ambeni na fimbo na ya ti ada ti sambelango Nzapa ti ala si ala yeke tumba peko ti ala na ya ti agbata oko oko kue.

Nzoni Tënë so Luc asu na mbeti 22:64

Ala kanga le ti lo na bongo si ala hunda lo, atene: “Sara tongana wayanga-Nzapa! Zo wa laa apika mo?”

Jean 18:22

So Jésus atene tënë so, mbeni turugu so ayeke kâ apika ngbangba ti lo si atene na lo: “Lege ti kiringo tënë na kota wayango-sandaga laa?”

Awatokua 5:18

Ala gbu awatokua ni si abi ala na da ti kanga.

Awatokua 5:28

“E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

Awatokua 5:40

Ala iri awatokua ni, apika ala na fimbo si amu yanga na ala ti kiri ti tene tënë na iri ti Jésus pepe. Na pekoni, ala zi awatokua ni.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.