Jérémie 36:8 - Mbeti ti Nzapa - Tënë so amu fini

⁸ Baruk, molenge ti Neria, asara ye so kue wayanga-Nzapa Jérémie amu yanga na lo ti sarango ni. Lo gue na ya ti kota da ti Nzapa ti diko atënë ti KOTA GBIA so a su na le ti rulo so.

Jérémie 36:8 ပူးပေါင်းရင်းမြစ်များ

Néhémie 8:3

Ti londo na kota ndaperere ngbii asi na bekombite, Esdras aluti na kota le ti kodro so abaa le na yanga ti gbagba so iri ni Ti-ngu; lo diko mbeti ti Ndia ni na akoli, na awali nga na azo so kue alingbi ti ma ya ni. Azo ni kue aduti kpoo ti ma tënë ti Ndia so a yeke diko ni so.

Jérémie 1:17

Ti mo, ayeke nzoni mo leke tere ti mo! Londo, mo tene na ala atënë so kue mbi yeke mu yanga na mo ti tene. Ayeke nzoni mbeto ti ala asara mo pepe; tongaso pepe, mbi yeke sara titene mbeto ti ala agbu mo na dawa ti ala.

Jérémie 32:12

mbi mu na Baruk, molenge ti Neria, molenge ti Maaseya, na le ti ita ti mbi Hanameel, lo na azo so kue aduti na tere ti tënë ni si ala su nga maboko ti ala na gbe ti mbeti ti vongo yaka ni; mbi mu nga mbeti ni na le ti azo ti Juda so kue ayeke na ya ti gbagba ti aturugu ti batango gbia.

Jérémie 36:4

Jérémie airi Baruk, molenge ti Neria. Jérémie atene na Baruk peko ti atënë kue ti KOTA GBIA si Baruk asu na le ti rulo ni.

Jérémie 36:6

Me ti mo, mo yeke gue ande kâ na mbeni lango ti kengo kobe. Fade mo yeke diko na mê ti azo so kue ayeke na ya ti kota da ti Nzapa, atënë ti KOTA GBIA so asigigi na yanga ti mbi si mo su na le ti rulo so. Mo yeke diko nga ni na mê ti azo ti Juda so kue alondo na ya ti agbata ti Juda si aga.

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

1 Korente 16:10

Tongana Timothée asi na ala kâ, ayeke nzoni ala sara titene lo duti na popo ti ala na mbeto pepe, ngbanga ti so lo yeke sara nga kua ti Kota Gbia tongana mbi.