Jérémie 36:5 - Mbeti ti Nzapa - Tënë so amu fini

⁵ Na pekoni, Jérémie amu yanga na Baruk, atene: “A kanga lege na mbi awe; mbi lingbi ti gue na ya ti kota da ti Nzapa pepe.

Jérémie 36:5 ပူးပေါင်းရင်းမြစ်များ

Néhémie 6:10

Mbeni lâ, mbi gue, mbi baa Shemaya, molenge ti Delaya, molenge ti Metabeel. Biani, Shemaya awara lege lani pepe ti si na ndo ti mbi. Lo tene na mbi, lo tene: “E li na ya ti kota da ti Nzapa, e duti na ndo so ayeke nde si ayeke nzoni kue; e kanga yanga ti da ni na ndö ti e, ngbanga ti so awato ti mo ayeke ga na bi so ti fâ mo.” –

Abia (Psaumes) 88:8

Ngonzo ti mo ane na ndö ti mbi, *amapo ti mo amene mbi kue.

Jérémie 20:2

Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Jérémie 32:12

mbi mu na Baruk, molenge ti Neria, molenge ti Maaseya, na le ti ita ti mbi Hanameel, lo na azo so kue aduti na tere ti tënë ni si ala su nga maboko ti ala na gbe ti mbeti ti vongo yaka ni; mbi mu nga mbeti ni na le ti azo ti Juda so kue ayeke na ya ti gbagba ti aturugu ti batango gbia.

Jérémie 32:2

Andaa na ngoi ni so, aturugu ti Babilone angoro Jérusalem ti mu ni na bira. Ti wayanga-Nzapa Jérémie, a gbu lo si a kanga lo na yangbo ti gbia ti Juda, mbirimbiri na ya ti gbagba ti aturugu ti batango gbia.

Jérémie 33:1

So Jérémie ade na ya ti gbagba ti aturugu ti batango gbia, na ndo so a kanga lo daa, tënë ti *KOTA GBIA akiri asi na lo, atene:

Jérémie 37:15

Akota zo ni asara ngonzo mingi na tere ti Jérémie si ala pika lo. Na pekoni, ala kanga lo na ya ti da ti Jonatan, wakuasu ti letaa; andaa azo ni asara si da ni aga da ti kanga.

Jérémie 38:28

Jérémie angba na ya ti gbagba ti aturugu ti batango gbia ngbii asi na lango so a mu Jérusalem. Baa, ye so asi na ndembe so a mu Jérusalem laa:

Jérémie 38:6

Tongaso ala mu Jérémie si ala bi lo na ya ti du ti ngu ti Malkia, molenge ti gbia. Du ti ngu ni ayeke na ya ti gbagba ti aturugu ti batango gbia. Ala zia lo na ya ti du ni na lege ti kamba. Na ya ti du ni, ngu ayeke daa pepe, gi potopoto. Nilaa Jérémie alinda na ya ti potopoto ni.

Jérémie 40:4

Gi laso laso, mbi yeke zi azingiri so a kanga maboko ti mo na ni. Tongana mo ye ti ga na peko ti mbi na Babilone, mo lingbi ti ga senge; fade mbi yeke baa ndo na ndö ti mo. Me tongana mo ye ti ga na peko ti mbi na Babilone pepe, mo ngba senge. Mo lingbi ti gue na ndo so kue be ti mo aye na ya ti kodro ni, zo akanga lege na mo pepe. Mo gue na ndo so kue mo baa nzoni na le ti mo.”

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 6:20

Ataa so mbi yeke na da ti kanga, mbi yeke sara kua ti lembe ndali ti Nzoni Tënë. Ala sambela si mbi lingbi ti fa tënë ni na legeni, na mbeto pepe.

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

Ahebro 11:36

A zonga ambeni, a pika ala na fimbo, a kanga ala na zingiri si a bi ala na da ti kanga.